هدهد سبأ سير الأقلام *******************بيان الصمت أقرب جاي ***

سلام وبعد السلام إلزام=واجب عليكم تردونه
هدهد سبأ سير الأقلام =وخبا عن الناس مضمونه
سلام من مُْنْزِل الأنعام=للي على الغيب يدعونه
في منطق الطير حط نظام=وعباد بالرمز يقرونه
ترحيب ياعالي الأعلام=والعلم جايك على هونه
أنا وجدت الطلل ورسام=والبيت ناسه يخلونه
خطك تحدد من الفُهّام=واهل التخصص يعرفونه
للأرض مثل البشر أسقام=والزرع ناسه يراعونه
ياليت عندي دوا بإحكام = لجل الشجر تمثر غصونه
دعوى لفتني من الحكام=اللي هواهم يصونونه
لجلك وفي من ذوي الأفهام=والوافي الناس يشرونه
والغيث يبدا من الأنسام=بالنَّوّ أهله يميْزونه
أنتم نجوم الوفا ياكرام =ودروب بالنجم مرهونة
متغير الجو بالأعسام=ومغاير الأسم مكنونه
الحر بالظرف ما ينضام= يعرف مكيله وموزونه
صافي عياره مع الأيام=يزداد في السهل وحزونه