ديوان الشاعر قابل البشري

شاعر ويكفيه جمهوره = واليا حضر زادهم تشريف
مثل البرازيل فالكورة=دايم على قمة التصنيف

في كل لحظه افكر فيك = ويمك دروبي توديني
وفالحلم لاعن لي طاريك = من عزنومي يصحيني

قلبي سبب كل بلوايه =دايم فالأخطار يرميني
من يدرس الوضع بعناية =وللمشكلة حل يعطيني

قلبي سبب كل بلوايه=دايم فالاخطار يرميني
من يدرس الوضع بعناية=للمشكلة حل يعطيني
يا مرحبا يا هلا بدايـة=منزالك القلب و العينـي
ما للهوى طب و نهايـة=و إن خانني الفهم أفتيني
الـسـر يـكـمـن ورا الـغـايـة=وباقصى التفاصيـل وافينـي
وجات العوارض مع الحاية=والا الخـلـل فـيـه تكـويـنـي
بعطيك أنا رمز وكفايه=لاتقول لي زيد مامديني
هوداي محسوب ودوايه=أبعد وصوته يناديني
منحاك لازم له بداية=تمشي عليها الموازيني
من شان أحكم بمبدايه=ويوافق النص تقنيني
أنا مع القلـب في حكــاية =مـد وجـزر بيـنه وبـيني
يمشي معي عكس ممشايه=من الذي منه يحميني
لاتتبع القلب في هواية=واحسب لممشاك والحيني
في محور الصاد لك آية=معناه بمعارض السيني

	المشاركة الأصلية كتبت بواسطة فواز الزويهري

	الســـــــــــــــــلام عليكم ورحمة الله وبــــــــــــــــركاتـــه لقد جرى هذ اللحن مـــــــــــــــــــــع ( فواز الزويهري ) وبين أخي الشاعر / ( قــــــــــابــــــــــل البــشــري ) الذي سررت باللقاء معه ... ) في ( عسفان ) يوم الأربعاء 21-22/1/1429هـ البدع / فواز الزويهري الرد / قابل البشري سلام ولولا السواير كان = تسليمنا الآه والونه والحرف من خاطري بركان=والقلب كيف الغضى كنه ترحيب ساير على الأقنان=ياقاطف الحرف من فنه بين لنا خافي الأشجان=وميز لنا المد والغنه عسى البقا بالرضى شامان=شفت الثمر مايل بغصنه من بعدها زالت الألوان=والدمع همال من مزنه اللي تبع نظرة الأعيان=لابد ترميه في حزونه طيف عبر في سماك وكان=يكفيك ما شفت من حسنه طيف عبر عقب الحرمان=المشكلة حسنهم طعنه من إثرها غي لحون الدان=آهات قاف الترح لحنه لاترمي النفس فالأحزان=واعقد بعد حربها هدنه والحزن نغمة من الوجدان=كل من سمع شنفت أذنه ماعاد ينفع كفا يافلان=ميزاننا منجضع وزنه طرفه رماني وأنا سهيان=ياليت في نارهم جنه إن كان في ودهم بلشان =أسرع وكون لهم لجنه تعدل بها كفت الميزان=وتاخذ حقوقك من السنه ولكم خاااااااااااالص التقدير

...............................

كامل حروف الهجا أتممت=عيت معي تشرح الخافي
ماباقي ألاّ حروف الصمت=يمكن يجي شرحها وافي

كل

كل مانقول الجروح تخف=والقلب حسب العلاج يسير
ترجع سواة الشريط تلف= وتردنا غرفة التخدير

آنا بلايه معي دايم=ساعه بساعه ويوم بيوم
أصبح مع الطبع متلايم=واحرم عيوني لذيذ النوم

أخذ الحقيقة بدون الوان = من دون تلعب 00ولا العبك
أنته فعيني بقايا انسان =ما اكرهك لكن 00ما احبك

سير الليالي عطابي درب=ماكان فالبال متوقع
مادري أسير الطريق الصعب= ولاّ فنص الطريق أرجع