بيان دايم عن الوردات - قوله و فكره و أمثاله >>> عطوووووه

القلب مايضمن الغدرات=والشوك عند اللقى ناله
القلب متقلب الصفحات=في صفحته ادموع سياله

أبغى خبر من رجال ثقات=حتى أتبين في إشكالـه
بيان دايم عن الـوردات=قوله و فكـره و أمثالـه
نبغى إفـاده عـن الحـالات=ولـيــه لــلــورد إجــلالــه
لابد موقف حصل ساعات=فيـه الصفـا خيـم إضلالـه
ترحيب عطره صدى مافات=مـن أحمـر الـورد واشكـالـه
نبغى لحن ينعش الكسـرات=وكـــــلاً يـغــنــي بــمــوالــه
ابومحمد بعـد مامـات=رزقه فقبـره تهيالـه
خلوه يفرح معه ساعات=قدام لاتنطـوي حبالـه
يعني سويكت معاد يبـات=و الا رومنسـي فأقوالـه
من خوف ما يطلع الطلعات=و لا يرد علينـا فجوالـه
العيـن تنظـر بنـور الـذات=تقصـر بـه البعـد واميالـه
والورد لو ما لفت نظرات=اختم علـى القلـب باقفالـه
للورد لحظة من اللحظات=في حينها الحسن يبهالـه
ومن بعدها تكثر الحسرات=ذبـلان والقلـب يرثالـه
ماني مثل عابـر الوقفـات=تقصر على الظاهر آماله
الورد لو غاب له زهرات=في داخل القلب تزهى لـه
متغيـر الـود فالباقـات=والورد متغيـر اكلالـه
كيف العمل فالذي قد مات=اتبدلـه بآخـر امثالـه
للروح ياصاحبي سكرات=لااصبح الوضع يرثالـه
واللي تقوله عليك اثبات=انك تأزمـت فالحالـه
مايموت وردي وعليه اثبات=وذكـراه نبعـه وهمـالـه
مبداه ثابت مـع الغايـات=مع منبتـه يمطـر خيالـه
القلب مايضمن الغدرات=والشوك عند اللقـى نالـه
القلب متقلـب الصفحـات=في صفحته ادموع سياله

؛

؛

؛

	المشاركة الأصلية كتبت بواسطة ابوفـــرح

	على طاري البنيات طال عمرك مره من المرات واثناء ماكنا انا وابنتي فروووحه نتجاذب طبق الحاشي قلت ياولد اسأل بنيتك واستشيرها عن الاوركيدا لاتكون انت مضيع ولمعة الجليد على حق عاد انا قلتلها بكل نعومه هييييييييه يابنت انظري فيه وقلتلها على سالفة الاوركيدا تصدقين نظرت فيه وعيونها حمر وقالت يايبه اما قول خير والا اسكت ههههه عاد انا عصبت وغطست راسها فقدر المرق من ثلاث الى اربع ساعات ابغاها تغير رايها وهي عند كلمه وحده لاااااااااااا لااااااااااا وانا ان شاء الله عند حسن ظن بنتي في ماراح اتغير ولاظنتي ابوحامد بيسويها , , وتراني بديت اشك فيك انتي اللي اخلفتي ابومحمد علينا والا من اول ياحليله نياق وعلوم زينه وشبة نار الحين ورد وماورد ولاعاد يكتب غير بلون معين حتى عيونه غاطسه مادري علامه والدور جاي على ابوحامد لاكن لاااااااااااااااااااااااااااااااااااااااااااااا كله الا ابوحامد وان كانك مصمله عندك البحااااار تسوين خير وتكسبين اجر متى يالبحار اشوفك تكتب باللون الوردي هههههههه ههههه ههه

أولا انت ابو فروحة اللي بمحلات الألعاب اللي اذا شغلنا
العروسه قالة ( أنا فروووووووووحه )...

سبحان الله حتى العرايس عندهم أبهات مثلنا ...
المهم بنتك هذي مع احترامي لها ماعندها ذوق
بالزهور والورود بس معذوره وش يعرفها بالورد
وانت ابوها ( لبن صبوح ومضير وخواضه ) الحمد لله على النعمه
؛
؛
؛
وبعدين اهجد واترك ابو حامد في حاله لا تدخل خل الرجال
بحاله ...
؛
؛
؛
لا أخلفت الأستاذ / بيان الصمت ولا يحزنون ...
بس هو شخصية تحب الجمال والجمال يطلب الورد ...
؛
؛
؛
وأما عن البحار مايصير يكتب بالوردي لأنه بحار
والبحار دايم وسط البحر والبحر لونه أزرق ..
؛
؛
؛
سلام لأبو فروحة اللي في بلاد الألعاب ...

أنتظر كسرة الأوركيدا ...
لمعة الجليد....

حياااااااااااااااااااك الله

أخي الكريم

أبو فرح

أما عليك دخلات عرض

أضحكتني أضحك الله سنك

وإليك

يابو فرح راجع الصفحات=واللي من الساس يبنى له
اللي فراسك من الدخلات=باحلام واوهام تهياله

	المشاركة الأصلية كتبت بواسطة بيان الصمت

	حياااااااااااااااااااك الله أخي الكريم أبو فرح أما عليك دخلات عرض أضحكتني أضحك الله سنك وإليك يابو فرح راجع الصفحات=واللي من الساس يبنى له اللي فراسك من الدخلات=باحلام واوهام تهياله

و الله ما يعرف لك إلا أبو فرح

بانتظارك أبو فرح

أخي الكريم
فواز الزويهري
تسلم على هذا النقاش الرائع
ويسلم أبو حامد اللي أشعل الموضوع وسحب
وإليكما

وردي له النور بالآيات=وما كل من يطّللع ناله
والكل يرسم على الجنّات=ويفوز من صدًّق افعاله

أختي الكريمة
لمعة الجليد
لحضورك ما أعطى الموضع
أبهى معانيه
وألف شكر على باقة الورد
التي نورتي بها الموضوع
لتدخل السعادة لكل متصفح
ممن يقدر الورود
إلا.............
ولا أجد رد لهذ الورد
إلا هذه الأبيات
وعلها تعطيه بعض حقه بالإضافة إلى ما سبق

الورد له طَيِّب النفحات=ويخاطب القلب إرساله
يمسح همومه مع العبرات=يبقيه دايم على وصاله
واللي جَمَاله عليهم فات=دايم مع الهم واغلاله
ومن غاب قلبه عن الدعوات=يصبح ويمسي على فاله

شعراء راائعين صحت ألسنتكم

ابومحمد
.
.
.

خلك من القيل والقالات = والورد معروف منزاله
لاتلبس ثياب مخروقات = وترقص مع ابليس وعياله
عوّد على النار والخلفات = فصل لهن درع وشماله
وبدال ما تنشق زهورات = انهج ببرسيم ونخاله
انا نصحتك قبل لاتبات = وتصبح على امواج محتاله
وان ماتقنعت بالطيبات = ابوفرح جاك بعقاله

.
.
هيا انا بروح ولاابغى اسمع عنك غير الكلام الزين
لاتخليني اسويها واجيك

أبو فرح

رد و لا أقوى يعطيك العافية


بس الله يكتب لك الخير عندي استفسااااااااااار مهم جدا منك



http://www.alhroob.com/vb/showthread.php?t=23012

إيش معنى الكلام هذا يا عم أبو فرح ؟؟؟؟؟؟!!!!!!