صدفة بلا ميعاد

السلام عليكم ورحمة الله وبركاته
الصدفة المحضة جمعتنا
( أبو فرح ، سالم البشري ، البحار ، أبو روان ، بيان الصمت )
وجرى اللحن التالي
بين سالم البشري والبحار من جانب
وبيان الصمت وأبو فرح من جانبٍ آخر

سالم البشري والبحار=
الليل حبر القلم سطر=سلام يااصحابنا فالحال
بالطيب للي حضر عبّر=عن فرحنا وانشراح البال
بيان الصمت وابو فرح=
تقدير منا لكم أكثر=يامن لكم عندنا منزال
أزكى من المسك والعنبر=بحضوركم زانت الأحوال
سالم البشري والبحار=
دوب استوى جوّنا وازهر=نور القمر في سمانا جال
والآن نبغى المثل يبحر=يا سادة القيل والأمثال
بيان الصمت وابو فرح=
هات القلم قرِّب الدفتر=اشرح ونسمع لك الأقوال
شرع المثل فالبحر والبر=قانون ماشي على الأجيال
سالم البشري والبحار=
وش حال من تاه فالمنظر=شدّ النظر غصنه الميّال
وقلبه غدا بالخطر أشّر=والخوف ما ينعدل لا مال
بيان الصمت وابو فرح=
مجبور من شاهده يسهر=ويجاري الوضع بالموال
والنور لابد ما يظهر=دام الجمل في ذرى الجَمَّال
سالم البشري والبحار=
خوفي على القلب يتأثّر=والحال ما يحتمل مثقال
كيف اقنعه عَنْه واتصبَّر=ما اتوه في دارة الأهوال
بيان الصمت وابو فرح=
ذل الهوى قبلكم عنتر=لما تمادى مع الآمال
لجل الهوى لا بغى سنتر=يشوت ويسجل الأقوال
سالم البشري والبحار=
أنا اعرف ان الهوى أخطر=قالوه قِدَّامنا ولا زال
والنار في داخله تسعر=عجّل على القلب ياخيّال
بيان الصمت وابو فرح=
بالك على نوره الأخضر=مادام دون البروق خْيَال
من ضيق ياتي الفَرَج واصبر=سود السحب عقبها الهمَّال