ديوان الشاعر محمد بن خيرالله الردادي

الاخوان والاخوات
السلام عليكم ورحمة الله وبركاته
مشاركه امل ان تحوز على اعجابكم

حاول تسوى شي ضروري لدنيـاك=واحذر تناساء يوم فيـه الحسابـي
هذي ترى الدنيـا تغـرك وتبغـاك=والاخـره فيهـا حسـاب وعذابـي
اعمل بمجهودك عسى الله يرعـاك=وبعد عن اللـي يوقعـك فالعقابـي
المنكـر احـذر لاتقـره ليـا جـاك=وامشي مع المعروف ساس الصوابي
ابعد عن الشيطان لو كـان اغـواك=وابليـس ملعونـاً تـرى بالكتابـي
وعرف طريقك بيـن هـذا وهـذاك=وسلـك طريقـاً ماتلاقـي نشابـي
سدد وقـارن دايـم ابكـل ممشـاك=والله يزيـدك بالاجـر والثـوابـي
ان تجتهد تاخـذ نصيبـك بيمنـاك=وان كان به تقصير فأنـت تهابـي
خلك على وضح النقاء دوم مسعـاك=لا تصير مثل اللي مشى بالضبابـي
متشوف غير اللي حواليـك يبـراك=واليا ابتعد عنك تقول ويـن غابـي
والله يجعل لي اجر عنـد نصحـاك=ويوفقـك ياقـاري(ن) هالخطابـي

وسلامتكم
اخوكم
محمد خيرالله الردادي

الاخوان والاخوات
الاعضاء والزوار
السلام عليكم ورحمة الله وبركاته
اقدم لكم ابياتي المتواضعه
امل ان ترتقي الى استحسانكم واعجابكم

البارحة يـوم الخلايـق نايمـة=النوم عيـا لايجـي عينـي أنـا
من سبة اللي عنهم عيني صايمة=اللي في وسط القلب من ثمره جنا
محبوب قلبي والمشاعـر هايمـة=النوم فارقنـي وفارقنـي الهنـا
حبه سكن قلبي وقامـت قايمـة=من يوم غادر والمشاعر في عنا
احيان اشوف العين تصبح عايمة=واحيان اصبرها واقـول الله لنـا
الصبـر لازم والخلايـق لايمـة=مهما حصل والوقت ماهو ملكنـا
ياقلبي لاتهمـك سحابـة غايمـة=تمطر سحابتنا وتسقـي زرعنـا
والله يجعلهـا محـبـة دايـمـة=افرح وتفرح بي ويكمـل حبنـا
يالله يـارب الطيـور الحايـمـة=ندعيك بالتوفيـق وأنـت ربنـا

تقبلوا تحياتي

يازين كان الحب بس امس واليوم=اناعرفت الحب لك مـن سنينـي
حافظ حفظته حفظ بالجزء والكوم=عارف خراجي منـه لاتزعلينـي
هذي حقيقه لاتوجـه لـي اللـوم=واللوم عند الحق نطقـه يشينـي
ان كان تطلب راحت البال والنوم=خلك انا شاريك وانت اشترينـي
واذا تصافينا ترى الكـل ملـزوم=يوفي بعهده وقت شـده ولينـي
هذا كلام يتم فـي عقـد مبـروم=يتم تصويـره علـى نسختينـي
نبداء بتنفيذه على دايـم الـدوم=واذا اختلفنا بنسختـك راجعينـي
ونعقد لنا جلسات حاكم ومحكـوم=في مجلساً مغلوق ثـم ناقشينـي
ونشوف من ظالم ومن فيه مظلوم=بعد التشاور بيننـا لـك يبينـي
ان كنت أنت قول أسف ومقسوم=وان كنت غلطانا ً أنا سامحينـي

مع تحيات
محمد خيرالله الردادي[/align]

في عالم المجهول نرسل عبارات=يرسل علي وراسلـه ماعرفتـه
يقول لي برسالتـه بالإيميـلات=انت صديقي وبالصداقه وصفتـه
والله يستر كان بالوضـع لفـات=انا علـى نيـه وهـو مافهمتـه
مدري ولد او بنت من هالبنيات=لاصورة(ن)لاصوت انا ماسمعته
عالم غريب ويختلف كل لحظات=تمشي بخط اتقول والله ماشفتـه
يالله دخيلك ورطونا الخواجـات=غلط وكل(ن) جايبه وسط بيتـه
هم يصنعون ويبدعون الصناعات=وانا بسابق في غلـط مرتكبتـه
الآدمي ياخذ من الوقت عبـرات=حتى الغلط عبـره اذا ماسلكتـه
يالله انا طالبك عن ماضياً(ن)فات=تغفر لي الـزلات عمـا كتبتـه
ماني بمعصوم(ن) واغلط بغلطات=وأحتاج عفوك ياغفـوراً طلبتـه

مع تحياتي
محمد خيرالله الردادي[/align]

السلام عليكم ورحمة الله وبركاته
مشاركه امل ان تحوز على شي من الأعجاب
بعنوان التعارف

التعـارف للرجـال اقـوى تجـاره=مكسب اللي تعرفه يدخـل رصيـدك
ولنساء يحتاج فطنـه مـع حـذاره=يمكن استدراج حتى هـي تكيـدك
والرجـال انـواع مافيهـم اشـاره=ناس تكسبهم ونـاس(ن) ماتفيـدك
لكن الدعوى تطور مـع حضـاره=لازم تخوض التجارب مع جديـدك
والحيـاه ادروس فيهـا استـداره=يمكن تردك على اللي فـي بريـدك
ناس تعرفهـم مسجلهـم شطـاره=يمكن اللازم لهـم يرجـع يعيـدك
لاتقـول افـلان معرفتـه خسـاره=ولاتقـول اللـي تعرفـه مايريـدك
الزمـن دوار ليلـه مـع نـهـاره=وحذر الدنيا ترى ظروفك تصيـدك
وضبط اوضاعك وكل(ن) في مساره=وكل شخص(ن) تعرفه طبعاً يزيدك
فيه من ينفعك وقت تجيـك غـاره=بالنصيحـه اويحـط يـده بأيـدك
وفيه من ينفعك بسلوب استشـاره=يبعدك عـن درب يمكنـه يبيـدك
وفيه من يطلبك عفـوه واعتـذاره=اقبلـه ماينفعـك قولـت شديـدك
والزمـن دوار ياصعـب انتظـاره=يبترم مثل الـذي داخـل وريـدك
واكسب الطيب ورد الـه اعتبـاره=وان ترد الطيبه مـن جيـد جيـدك
وانت حاول كل شي تعرف مـداره=ومن يشارك عكس من يبقاء حديدك
والتعارف له سلـوم ولـه وقـاره=والبشـر لاتظنهـم دايـم عبيـدك
وطلب المولـى عزيـزاً بقتـداره=وحفـظ الأبيـات خليهـا نشيـدك

وسلامتكم
مع تحيات
محمد بن خيرالله الردادي

تهزهز خاطري وختل فكـري يـوم رديتـي=كسرتي خاطر(ن) ماكان بالأحـزان متربـي
ذبحـتـيـنـي وطعـنـتـيـنـي ولا للـود خليـتـي=قـتـلتـيـنـي ببنـدق كـان مـن ايـام متعبـي
رصاصه لا حديد ولا مـن البـارود منحتـي=ولكن له مـن الافعـال يالاصحـاب ماخبـي
خطر هوجاس قلبي كان قلبي مابعـد شتـي=لحقتـه ثـم رديتـه منعتـه قبـل ماطبـي
وتعاتـبـنا انا والعين قلـت اشلـون سويتـي=رميتي جوهرالانسان فـي هبهـاب ماهبـي
تصافق به رياح(ن)من شمال وشرق وعطيتي=مجالات(ن)لبعض الناس اومن هـب اودبـي
وخليتـي حياتـي ظايعـه وللبيـت هديتـي=من اسباب انك تشوفي تقولي زيـن ينحبـي
وردت لاتعاتـب شوفنـي حيـران مابـتـي=انا من يوم شفته ما انام وشاهـد(ن) ربـي
جماله داخل(ن)بالنـون لابالرمـش منشتـي=وترى غصب(ن)انادقيت باب القلـب ياحبـي

السلام عليكم ورحمة الله وبركاته
الأخوه والأخوات
اقدم لكم احد محاولاتي السابقه امل ان تحوز على اعجابكم

لو سمحتي عرفي حالك عشاني=لا تخليني أقول الحب ورطه
وحدك اللي عارفه وضعي ومكاني =دام فالموضوع تحقيق(ن)وشرطه
لا تخليني على همي أعاني=وآنت سرك تفرطه للناس فرطه
اكتمي الأسرار قولي كيف كاني=خلي وضعك مثل شاعر وسط قلطه
قدم الطيب وقولي اللي رماني=حبك اللي رابط(ن) قلبي بربطه
لا تخلي الناس في هذا الزماني=تحسب الموضوع جاني تم ضبطه
قول وحسم وآنت ما ظنك أناني=ومن شمت فينا عساه اتجيه جلطه
أو بلاش ادعي على إنسان ثاني=وعتبر أن الشتيمة منه غلطه
لا تأخرني أنا اعـد الثــواني=ونبض قلبي اسمعه وعد نبطه
قول يا محبوب لو قالو جناني=الهوى معروف للعشاق خبطه

مع تحيات
محمد خيرالله الردادي

من كتاباتي يالغالين
اتمنى ان تنال اعجابكم

غلطان اعاتب مثل حضرتك غلطان =غلطان اصادق مثل حضرة جنابك
كنت احسب اني معك بالحيل كسبان =كنت احسبك بالعقل كامل نصابك
ماكنت افكر فيك بالعقل نقصان =ولاكنت عارف فيك طيشت شبابك
مافيه داعي اخفي السر يافلان =يكفي لهذا الحد خاب الرجاء بك
غرتني الدنيا وغريت من كان =مغشوش في وصفك وزاده عذابك
حسايف الأيام مرة ولا حان =وقت(ن) عرفتك فيه قبل اللقاء بك
كنت احسبك قمه وغالي بالأثمان =زين(ن) وعقل(ن) فيك يرفع حسابك
ضنيتك اللولوا وفضه ومرجان = ولا ذهب والماس صف(ن) تشابك
لكن كشفت اللي حدث لي عمى الوان =اخفى الحقيقه لين دقيت بابك

مع تحيات
محمد خيرالله الردادي

ياماكثر الأصحاب في وقت السعه

يامكثـر الأصحـاب فــي وقــت السـعـه=اعـدادهـم دايــم وهــي فيـهـا ازديـــاد
صاحـب قديـم يجـيـب صـاحـب يتبـعـه=وكـلاً(ن) يقـول ان الصـداقـه اجتـهـاد
تحـتـار مــن تخـتـار او مــن تسمـعـه=والـوقـت مايعـطـي لـلازمــك الـمــراد
واليـا حصـل لازمـك وجـات الموجعـه=الـكـل مايـسـمـع تـقــول انـــه جـمــاد
واذا بـغـيـت الـلـعـب قــالــوا اربــعــه=تشوف صـن وحكـم وتقلـب لـك مـزاد
وان جـيـت تطـلـب لازمـــك للمنـفـعـه=الــكــل يـتـوخــر ولا فــيــه اعـتـمــاد
يصفـى مـن الألفيـن رقــم(ن) تطبـعـه=وصفـاره الـلـي تتبـعـه صـفـراً وكــاد
تــروح مـثـل الـمـاء بمنـخـل تجـمـعـه=او مثل قمح(ن) يابس(ن) بعد الحصاد
لـكــن قـولــي ذا خـــذه ثـــم رجــعــه=بعض العـرب واحـد كفـو فيـه السـداد
تلـقـاه فــي وقــت الـشـدايـد مطـمـعـه=دايــم بجنـبـك ينفـعـك فــي كــل مـــاد
والصـاحـب الـلــي مايـفـيـدك امـنـعـه=مــادام مايـاقـف فــي وقــت الأرتــداد
لـكـن صديـقـك افحـصـه ثـــم ودعـــه=ان كـان ماينفـعـك فــي وقــت المـفـاد
ماتـنـفـع الـصـحـبـه وهــــي مـلـمـعـه=ولاتدفـي الـبـردان فــي وقــت الـبـراد
ودايــــم قــــرارك بـخـتـيـار طـلــعــه=خـلـك حكـيـم(ن) دايـمـاً وركــد ركــاد
ترى الصداقه ماهـي ضحـك وطرطعـه=ولا هي بكثر(ن) يشبـه اعـداد الجـراد
هــذي نصيـحـة قــاف وانـــا ابـدعــه=وانـت بكيـفـك وتـبـع ادروب الـرشـاد

السلام عليكم ورحمة الله وبركاته
مشاركه امل ان تحوز على شي من الأعجاب
بعنوان

يوم(ن)من الأيام عصراً بالوقـات=مشيت مع صاحب عزيزاً وغالـي
رحنا جميع السوق والقصد مقضات=اريد ملبوسـات مـن حـر مالـي
عند الوصول الوقت بدري ومافات=مشوارنـا كلـف دقايـق قلالـي
شوارع(ن) بسفلت مع ظل شتلات=يرتاح فيها مـن مشـى بالعدالـي
وقمنا بجوله بين بعض المحـلات=اللي لهـا باللـي اريـده مجالـي
لقيت مطلوبـي بكـل المقاسـات=بالوان وشكالاً لهـا القلـب مالـي
صنع الوطن ماهي صناعة خواجات=منظـر يسـر القلـب اول وتالـي
قمت افتخر وقول ياصاحبي هـات=صنع الوطن افضل ولالـه بدالـي
هذا وطنا فـي مجـال الصناعـات=ينتج لنا الجوده مع انتـاج عالـي
الله يزيده فـي جميـع المجـالات=ويجعل وطنا فوق عالـي العلالـي

وسلامتكم
مع تحيات
محمد بن خيرالله الردادي