ياذيب انا هيضني اعواك ياذيب

ياذيب انا هيضني اعواك ياذيب = يوم العرب حدوك بالجنبخاني
مغير تقنب فوق روس المراقيب= وهذا الزمان اللي حداك وحداني

ياسلام عليك وعلى القاف

ابيات جميله

صح لسانك

حياك الله يابن فرهود

شاكر مرورك وكلماتك الطيبه

ياسلام عليك
صح لسانك و بيض الله وجهك

	المشاركة الأصلية كتبت بواسطة فارس عوف

	ياسلام عليك صح لسانك و بيض الله وجهك

وعليك السلام يابن العم

ووجهك ابيض ولسانك صحيح

شرفني حضورك

ورقان
0

ياذيب انا هيضني اعواك ياذيب =يوم العرب حدوك بالجنبخانـي
مغير تقنب فوق روس المراقيب=وهذا الزمان اللي حداك وحداني

0

واحلفت لعوي لين تصفا المشاريب= ثم اتعشا من كبوشن سماني
واسوق سوق القاف ابيات واجيب = واروض ابفكري صعيب المعاني

ورقان
0

انا احمد اللي عزنا عالم الغيب= هذا زمانن فيه أمن واماني
تحل المحاكم فيه كل المطاليب= حتى العدا بالامس صاروا خواني

الذيب

صحيح لاشكن بقولك ولاريب= لكن ضاع الحق يومن رشاني
الملعبه صارت بيدين الاصاحيب= هذاك ولد إفلان وهذا فلاني

ورقان
0

ياذيب لاتنحب ولا تكثر إنحيب=الذيب رابض وسط قطعان ضاني
روح زمان الذيب قفوابه الشييب=وصار القلم من فوق حد السناني

الذيب
0

وان غاب نجم سهيل نجمي ولايغيب= هذا الجدي ثابت مكانه مكاني
لاجاك يومن له سنون ومخاليب= الذيب يفرق لو يجور الزماني

ورقان
0

صحيح الطيب يبقى لأهل الطيب= لكن كلن يدعي له حصاني
راع العراوي حر وايضا راع الجيب= حتى العجيزتفتخر بالاواني

الذيب
0

ان كان هذا عرفكم يالعرب عيب=ما تفرقون "ام" بين قيد وعناني
ابن العرب ينقاس بالمال والجيب= والطيب طيب اللي كتوفه متاني

ورقان
0

ياذيب روح ماعليك اليوم تثريب= خنا نشوف فعول سهيل اليماني
لكن اصحا على راسك من المشاعيب= لاجبت علم يجيك بالعلم ثاني

الذيب
0

يلومني خبلن غطا راسه الشيب= والعقل يعطيه الولي والجناني
انا عشايه دوم حرش العراقيب= وفعلي يصدق ما نطق به لساني

صح لسانك ياورقان وبيض الله وجهك

	المشاركة الأصلية كتبت بواسطة نشمي المطوع

	صح لسانك ياورقان وبيض الله وجهك

ووجهك ابيض يالنشمي ولسانك صحيح

اسعدني مرورك الطيب

اخي ورقان انت نزلت الملعبه في منتدى اخر ولعبت مع الذيب
ولا شلون اخوي
ملعبه رائعه

صحت السنتكم