( ياهادم اللذّات ياساس الاجراح=احرمتني خير الوجيه الفليحه )

/
/
/
/
/
/
/
/
/
/
/

روّح ونيس الرّوح وانسي معه راح=ولاعاد يالدّنيا نشوفك مريحه
وشلون ابسلا واحضر اعياد وافراح=وآنا بعد فرقاه روحي جريحه
وانت السّبب فمقاطعة ولف الارواح=وسيفك يسبّب جرح مايطيب قيحه
ياهادم اللذّات ياساس الاجراح=احرمتني خير الوجيه الفليحه
شيخ الوفا والطّيب كسّاب الامداح=مايمدّ مدّه باليمين الشّحيحه
استاذ علّمني وانا لعلمه ارتاح=ومن خبرته نلت الدّروس الصّحيحه
له خوةٍ كانت لي آمان واسلاح=واخذت منه المعرفه والنّصيحه
وفرقاه ترويني سقى طعم الاتراح=ضناه تال الليل يكثر مصيحه
ولولا مخافة فالق انوار الاصباح=لابني على قبره وزاور ضريحه
وياللي تحثّ النّاس تسعى بالاصلاح =ويامنزل آيات الكتاب الفصيحه
ياعالم اللي في ضميري وماباح=ومااعلنت به للنّاس هرجه صريحه
اللطف بحال اللي مع النّاس مزّاح=ولافيه خبث ولايجيب الفضيحه
واكتب عليه انّه عن النّار ينزاح=واسكنه في جنّات عدنٍ فسيحه

الشّاعر / خالد بن عبيد بن معتوق ألأحمدي

صح السانك لاهنت
ولاهان
منطوقك
شاعرنا القدير

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الكحيله
اشكرك على مرورك
وصح بدنك

صح لسانك ابداع بلاحدود



جعل ابوك في الجنة

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك
وسلم فكرك وبنانك