ديوان الشاكر قسم الكسرات

مشعل الحربي=

عداد ماتثمر الأشجار=والورش بادي بالأغصاني
سلام يعالي المقدار=يفاسر القن يالعاني

الشاكر أبو سامي=

عداد ماتمطر الامطار =بالغيث من غر الامزاني
ترحيب ياوافي الاشبار = للعاني وراع الاقناني

مشعل الحربي=

دام البقا والفلك دوار=بين العرب كل الازماني
فوجودكم تطرب الشعار=الي تهيض باللحاني

الشاكر=

][/center][/size]

دورات الايام باستمرار = ودارت على الذيب سرحاني
أنتم كمانا علم واشعار = وتثمين في كل ميداني

مشعل=

لجلك صديق وعزيز وجار=بشرحلك العلم من داني
علم(ن)بصدري سوات النار=يستشعره كل وجداني

الشاكر=

[/color][/size]

انت رفيق وعزيز مجار = واشرح ولانت بغلطاني
اسباب هالنار واللي صار = ونحكم على شوف الاعياني

مشعل=

الي عطيته وفا مدرار=في كل حزه وميداني
اليوم عود يمين يسار=كنه على البعد يحداني

الشاكر=

سايس وقايس ولا تحتار = يمكن معه ظرف براني
وخلك على مسايسه بيطار = حتى تأكد من الجاني

مشعل=

حاولت مره وثلاث أمرار=أجس نبضه معي ثاني
لقيت عنده علوم كثار=أتسم ياربع الأبداني

الشاكر=

مادام ماله وفاء وايثار = تجنبه واحسبه فاني
اما أنت والاّ هو مااختار = صحبة وأخوه وعنواني

سلام مهديه لاصحابي=واصغرهم اللي عديل الروح
لو قفلوا كل الابوابي=باب الوفاء عندنا مفتوح

الجن والانس ماتقدر = تعلم عن الخافي المدسوس
شوف ابن داود ما أخبر = عن موته الا هذاك السوس

الفين مبروك يالطواف = ومثله نبارك لابو مبارك
بعد ابذلوا في الجهود اضعاف = الواجب نشيد ونبارك

قاوم ولا ترض الاستسلام = وتمسك بعروة الديني
ابليس دعواه للاثام = يحماك ربي ويحميني
في شهر وافضل شهور العام = وافضل ليالي وسنيني
الله يعيده على الاسلام = بالامن واليسر والليني

سلام من شاعر النخبة= ينصى جميع الذي يعنيه
واللي تبرا من الصحبه= من غير تحقيق مانعفيه

سلام يامنتدى ربعي=ربعي هل الجود والطالات
أحلى من الشهد والنبع =معطره باجمل الباقات

اذا نصحت الذي غلطان
وضلا يجيب الغلط ويعيد
كبه ولا تعتبر له شان
ولا تقول للعاشق الا زيد

مع ليل اسرج بي الهوجاس
وطفى شموع الفرح عندي
وماعاد أفرق مابين الناس
المصري اعامله هندي

: يامؤيد أهل الخطأ يكفي
انك تجاوزت عن حدك
عن درب قوم السنع مقفي
ماتستحي نعنبو جدك

ياللي الزعل دوم من طبعك
وبلا سبب دوم معترضى
ان كان زعلان من ربعك
اقول عساك ماترضى

ان كان به شي تمنحني
خلك كما البارق اللماح
وسط الجماعه لاتنصحني
مكشوف يالناصح الفضاح