ديوان الشاعر حمدان دراج القايدي

.
.
.
.

ياالله يامعبود غيرك ماسألناه = نسألك من جودك تحقق أملنا
إنت الآله وغيرك ماعبدناه = حقق لنا يارب كل ماطلبنا
فيك الرجا والحب كله وجدناه = وقت الشدائد ياآلهى سندنا
ذنوبنا كثرت وهذا ماجنيناه = وانت اللذي يارب عفوك شملنا
تعرف خفايا السر وكل ماعلناه = وتعرف خفايا النفس وتعرف أجلنا
وكتابك المنزل علينا قريناه = وكل مافيه من معنى عرفنا
وشهر الكرم لك صمنا وقمناه = وبلغتنا فيه زي ماطلبنا
والبيت من أجلك قصدناه = ياالله حقق كل ماسررنا وعلنا
طه نبيك قد دعانا وتبعناه = نطلبك من فضلك عفو لاسجدنا
وياالله يامعبود غيرك ماسألناه = نسألك من جودك تحقق أملنا