( عطنا من اوتار العراقي تقاسيم )

عطنا من اوتار العراقي تقاسيم = نغماتها تِطرب شجوني بالالحان
تنفيس عن نفس المتيّم بترنيم= بأروع مقامات الطّرب وانت سلطان
إعزف مقام الرّست والكورد تحكيم= وامتع وسلطن بالنّهاوند طربان
ومع دور صنعاني مجلّي لتكتيم= ودندنّ على السّيكا وترجم للاشجان
ومن الحجاز اختار مافيه تختيم= اللي مجسّك فيه غايه بالإتقان
اعزف ياسلطان الوتر خلّه ايهيم= في ولِف ريشه بينهم عِشق وجنان
سلطِن ياغفّو ماانت محتاج تقييم= مثلك توثّق كسبه بكُلّ ميدان
طبعك رفيع الذّوق منك التّعاليم= اتفيد من جالسك ويصير فنّان
شنّف مسامع من يقدّرك تعظيم= يرغب جميل الحان صوتك مع الدّان
كلماتها لحساسنا بالتّناغيم= ترقص مشاعرنا لها رقص ولهان
يلقى بها راع الهوى بعد تكتيم= متنفسٍ يلهيه عن شوق واحزان
هذا سعدنا وان حصل فيه تأثيم= ربّك غفور الذّنب توّاب رحمان

الشّاعر/ خالد بن عبيد بن معتوق الأحمدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

السلام عليكم ورحمة الله وبركاته
سلمت ودمت أخوي الشاعر صقر المراقيب على القصيدة.
.
.
جزله ورائعه وصح لسانك
أخوك ابوساره

صح الله لسانك
ولاهنت
وسلم فكرك وبنانك
دمت برعاية الله وحفظة