مرض الوالدة رحمها الله

بسم الله الرحمن الرحيم


ياعين أبكي خففي بعض همي=ترى البكاء ياعين للقب رحمة
قلبٍ من الاحزان يعين مدمي=يشوف شي ولامعه فيه همة
ياعين شوفي كيفها حالة أمي=عقب الذي يسري مع الحال سقمة
طبع المرض يهدم مع الوقت هدمي =بحال الكبير اللي معه خار جسمة
ليت الأمور تصير ياناس بأسمي=والله لاجيب الطب من كل يمة
من الصين وإلا الهند وديار عجمي=ومن علمٍ طبه بلغ فيه قمة
وأبذل لها الأسباب حتى تتمي=على جسدها العافية مستتمة
ولو هي تجي بالكيف يشيل عزمي=ولايصيبها من علةٍ يوم حمة
ودي أشوف أمي على طول لمي=ودي أقول بعالي الصوت يمة
وتملى وجودي بين حلمي وعلمي=أمٍ لها في كل ماعيش بصمة
أمي علي غيث في وقت وسمي=قمرا وربيع وخير من كل نعمة
أمي من أهل الخير والخير ينمي=يأتي ثماره بين قدرٍ وحشمة
يالله يامن لك على الخلق حكمي=وتشفي المريض لوكان جلدٍ وعظمة
طالبك أنا تشفي لنا حالة أمي=وتمد لها في عمرها لين يومة
وتحسن عليها بيوم للناس حتمي=يومٍ بها مكتوب للنفس ختمة


محـمد بن مطر الفريدي

الله يرحمها
وآخر الأحزان أن شاء الله
صح لسانك ويسلم فكرك وبيانك
تحياتي

جزاك الله خير عزيزي ( طلق المحيا )
وصح بدنك تشرفت بمرورك لاهنت
تقبل تحياتي وتقديري

الله يرحمها ويسكنها فسيح جناته
صح لسانك
قصيدة مؤثرة ليست بغريبة من شاعر مثلك اخي محمد.

حياك الله أخي العزيز مريع العييل
صح بدك لاهنت تشرفت بمرورك
وأشادتك تقبل تحياااااتي وتقديري

الله يرحمها ويسكنها فسيح جناته
وصح لسانك مليون على القصيده
والله يـعـطـيـك الـعـافيـــــــــــة
بيض الله وجهك

حياك الله عزيزي الحب الباقي
صح بدك وتشرفت بمرورك
تقبل تحياتي وتقديري

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك
ولاهنت