ليت للمراجل وسم

ليت للمراجل وسم تعرف بـه النـاس=مـثــل الـجـمـال مـوسـمـه بالـوسـامـي
نشـوف وسمـه لانعقـد كـل مـجـلاس=نـشــوف وسـمــه قـبــل رد الـسـلامـي
نعـرف بـه اللـي معدنـه در والـمـاس=الـلـي عـلـى عـــز الـمـراجـل هـمـامـي
ونشوف منهو معدنه صفر ونحاس=اللـي عــن عـلـوم المناعـيـر صـامـي
حـنـا بـزمـن تشابـهـة كــل الاجـنــاس=بـالـبـس والمـظـهـر وزيـــن الـكـلامـي
وقــت تغـيـر شـيـب بـمـفـرق الـــراس=وقـت تضايـق بـه صـدور الحشامـي
خــتــل مــيــزان الـمـراجــل والاقــيــاس=راحـــت مقـايـيـس الـمـراجـل عـدامــي
اصبـح رصيـد المـال لـرجـل مقـيـاس=مقيـاس يفخـر بــه لــو الـعـد ظـامـي
يـقـدمـه لـــو كــــان بـنـيــه بــلاســاس=يـقــدمــه لـــــو جــاهــلــن بـالـعــلامــي
الله يـــاوقــــت خـــــــذل طــيــرقــرنــاس=خــل الـحــرار تـعـيـش وي الحـمـامـي