2571 لغز هذه اللحظه.. محلول من الكحيلة صح السانها

السلام عليكم ورحمة الله وبركاته
من بـاب التـنشيـط لـغز يسـاند خويّـــه

ياويش بنتٍ نظيفة عرض =يعتادها العابد الوجلي
لاطاحت اسنونها تنرض =والراس مع طيحته يجلي
يبِين فالأرض طول وعرض =دربٍ يقدّه قدم رِجلي
ليا عكسته في جوف الأرض =مشهورٍ بأسم المره رَجلي

صح لسانك يالعطاوي وبيض الله وجهك

جااااااااري التفكير

صح بدنك يابوهليل ووجهك ابيض

جااااري الانتظار

صح السانك لاهنت
ومو فاهم راسها يجلي؟.
نقول

السجادة
السبحة

وعليكم السلام ورحمة الله وبركاته


صح السانك يابو فيصل على اللغز الجزل

مع اختي الكحيلة في الرمعة (( السجادة ))

اذا طاح الراس .. الحرف الاول : جادة .. < درب

وعكسه : هداج .. مشهور باسم مرة .. هداج تيما

وعلى كذا يمكن اقول

صح السانك على اللغز الجزل

وصح السانك يالكحيلة على الحل المثالي مقدما

وعليكم السلام ورحمة الله وبركاته
صح لسانك يابو فيصل
لغز جزل من رأس جزل
ولي عودة للرمعة

صح لسانك

القبله

صح السانك يابو فيصل على اللغز
(((يبطي بيومك اليوم ودم)))
وشهادتي فيك مجروحه

ورمعة اخوي حسين ماعليها تعدي(جاده) والعلم عند العطاوي

	المشاركة الأصلية كتبت بواسطة الكحيلة

	صح السانك لاهنت ومو فاهم راسها يجلي؟. نقول السجادة السبحة

صح بدنك

وصح لسان اختي الفاضله هي الـ(( سـ جــاده ))

اشكر للجميع مشاركته مع أجمل تحياتي

	المشاركة الأصلية كتبت بواسطة حسيـن

	وعليكم السلام ورحمة الله وبركاته صح السانك يابو فيصل على اللغز الجزل مع اختي الكحيلة في الرمعة (( السجادة )) اذا طاح الراس .. الحرف الاول : جادة .. < درب وعكسه : هداج .. مشهور باسم مرة .. هداج تيما وعلى كذا يمكن اقول صح السانك على اللغز الجزل وصح السانك يالكحيلة على الحل المثالي مقدما

صح بدنك ابوعلي وياهلا وسهلا
كل كلمه سطرتها حول موضوع اللغز صح مليون في مليون
بيض الله وجهك أكفيتنا عناء التوضيح