والاياوجد حالي وجد

الايـاونّـتـي ونّـة يـتـمٍ ذوّقــه الــضـرب=حداه الفـقر وظروفه عـلى الخاله وعمّانه
خذاهم حاكمٍ ظالم وسلّمهم يهود الغرب=وضاق الكـون بعيونه ودمعه غرّق اوجانه
جداه ايفرّك اكفوفه وضيّع مايدل الدرب=يدوج بـشارع الحـاره وحـاله حيل تـعـبانه
خطير يروح مع ناسٍ تحكحك به سوات الجرب=من طعم السم يعطونه يعطيه عيال جيرانه
والاياوجد حالي وجد ضرغامٍ نهار الحرب=فرّغ ذخيرة اسلاحه وصكّو فيه عدوانه
على خلّ ٍ براحالي وتل القلب تل الغرب=على حيلٍ يتلّنّه عـليه ورورود عطشانه
خليلٍ ساكن فوادي وهو عنّي بعيد السرب=خياله مايفارقني وعيني فيه ولهانه
الا ياليت من زاره هرج له بالغلا عن قرب=عطاه العلم وابداله تفاصيله وبرهانه
يحددلي مطاليبه يرخي والاّ يشد الكرب=يفداه القلب وعيوني واسوق المال من شانه

التوقيع مساعد الجليدي

صح السانك
لاهنت
شاعرنا القدير

صح بدنكِ يالكحيله وكل الشكر والتقدير لك
ودمتي بخير وسعاده

تسجيل تواجد في منبر الجزاله
صح لساانكـ
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

صح بدنك ومليون شكر لك على مرورك الجميل وتواجدك المشرّف
دمت كما تحب