هذا اللحن على الوتساب في إحدى القروبات مع الاستاذ دخيل الغانمي

==


















==

















==

















==

















==
















==

بخيتان البشري =
يامرحبابك يابو نواف = في قروب بأمثالكم يفخر
ياراعي الطيب والميقاف = اقولها فالعرب واجهر
دخيل الغانمي =
عسى البقا يارجال اشراف = فقروب بوجودكم مزهر
اوصافكم فالوفا اوصاف = من طيبها للبشر تظهر
بخيتان البشري =
بعد ابتدينا في بني القاف = بحروف لاهل المثل تبهر
بشكي وابى الحكم والإنصاف = قدام الافكار لا تصهر
دخيل الغانمي =
اليا بدأ للقضيا أطراف = والنص من صاحبه حرر
للمشتكي نبدي الإسعاف = نكتب ونختم له المحضر
بخيتان البشري =
حسب القوانين والأعراف = الناس بالناس ماتِشهر
لكن مع كثرة الاطياف = في وقتنا الوضع متشنهر
دخيل الغانمي =
المشتكي فالزمن وش شاف ؟ = وخلاه يبهر من المنظر
لابد للنص حرف ايضاف = حتى يقرب لنا المجهر
بخيتان البشري =
ثوب الصفا لاغدى شفاف = هل لابسه فالملأ يطهر ؟
واليا صدم في قلوب انظاف = يثر على كامل المظهر ؟
دخيل الغانمي =
من جرب الناس حب وعاف = لجل البشر فرق فالمخبر
وانته فهذا الامر عراف = تنصى الوفي والردي يخصر

ياسلاااااااام ياسلااااااااام
لحن ملكي يالغالي
صح الله السنتكم امتعتنا واتحفتنا بهذا الحن
كل الود

صحت الالسن وطابت القلوب
لحن على اعلى مستوى

صحت السنتكم
والله يـعـطـيـكم الـعـافيـــــــــــة
بيض الله وجيهكم

ياسلام روعه صح الله السنتكم

وبيض الله وجيهكم

صحت الالسن
تحياتي

صحت السنتكم وبيض الله وجيهكم

كلمات رائعه

صحت السنتكم
الله يعطيكم العافيه

صحــت السنتكــم
دمتم برعاية الله وحفظة

مـن جـرب النـاس حـب وعـاف

مـن جـرب النـاس حـب وعـاف

مـن جـرب النـاس حـب وعـاف
لله درك يبو نواف