ديوان الشاعر ( حفيد الحجيري )

الحجيري=
يوم الوطن كان ما حـركّ !!=مشاعرك !! وش يحركّهـا ؟؟
حسّ الوطن كان ما مركّ !!=اِرحل عن .. الدار .. واتركها
ابو سالم الرحّال =
فالقلب محفوظ ومدرك=وترابه الروح مالكها
وحبه على كل مايسرك=رقاب دونه نبركها

صقر المراقيب=
اعرف ضنيني على ضنّي=مايختلف ديدن اسلومه
ان ماارتفع ماهو مدنّي=لولا هله تهدم احلومه
من بعده أونّ وآغنّي=عاللومه اللومه اللومه
اقفوا بها ياحسن عنّي=إلى جهه غير معلومه

الحجيري=
لا باس ؛ ثمّ اِستمع منّي=ياصقر ؛ بأعطيك معلومه
الودّ راعيه متعنّي=عليه ما أشره ؛ ولا ألومه
كلّ أهله تصيح و تونّي=وكلّ الأحاسيس مكلومه
ما تلتقي فيه متهنّي=كلّ العشاشيق مظلومه

حتى أيش يالقلب في ودّه=الغُلب متحملّه ، حتى أيش !!
كل قـلـب حِملـه على قـدّه=وحِملك يا قلبي كـتيبة جيش !!

سألت عنه المكان اللي = ظلاّ المكان المحببّ له
تدرون وش قالّلي ؟؟ قلّي:=شوقي له أضعاف شوقك له

الحجيري=
حتى أيش يالقلب في ودّه=الغُلب متحملّه ، حتى أيش !!
كل قـلـب حِملـه على قـدّه=وحِملك يا قلبي كـتيبة جيش !!
أحمدي الفقرة=
واصل ولو طالت ألمده=ترى ألغلا مثل طير وريش
الريش وحده عَبَث هدّه=والطير لولاه كيف يعيش
الحجيري=
قد أيش من مُهله تسدّه = زود أمْهله و أنتظر ؛ قد أيش!!
و سنين قِد لي على عدّه!! = آرَد و أصدِرّ ؛ على ما فيش..
أحمدي الفقرة=
كثر الغلا يحدد المده=ويحدد القرب والتهميش
لو إنها سنين ممتده=اِلحق عليها سنه بخشيش
الحجيري=
سيل الغلا ؛ خافقي سَدّه=ولو ينكسر يغرق أهل فريش
لكنّ سيف الغلا ؛ في يدّه=من يحسب الودّ لعب و طيش
والسيف ما ينأمنّ حدّه=ما يعرف المزح والبشويش
وباباً يزيد الأسى سِدّه=game الهوى آخرْهْ .. قفلة شيش