قال الذي صخر واجاد المعاني

قال الذي صخر واجاد المعاني=واجاد للمعنى وجاب الطواريق
الله من هم(ن) بقلبي دهاني=لا أ سود ولا هو مثل لون الغرانيق
مادري و لهْ كنيه خبيث الكياني =لا حر لا برد(ن) ولابه مشاريق
اودع بي الهوجاس حي(ن) واعاني=ومن اول(ن) صبار واليوم ما أطيق
ياناشد(ن) وتقول من لك زماني =ترى الزمن لجار هد الشواهيق
لاتسألوني بس جرحي كواني=هذا الزمان وفيه حظ وتوافيق
ولاينفع المقرود كثر الاماني=مكتوب والمكتوب لو ينشف الريق
ارضى بمكتوب(ن) من الله عطاني=والله بخيص ويعطي العبد مايليق
وللخلق لاتشكي ترى العبد فاني=يا لله عسى ما أنحد ليهم ولا اعيق
وياللي تأملت المعاني تراني=لهو بشكوى ضيم وإلا عشاشيق
سجيت للاقصى وغيره وداني=عجزت لا ألقى صامل العلم ورفيق
أخلصت وقلبي طيب(ن) هو جزاني=مع الردي وملفق الهرج تلفيق
هو ليه هذا الدور مابه عواني= كثرو به الحساد وايضا المطافيق
اللي ليا شافن بنعمه عداني= وإن طحت تسمع له غواني و تصفيق
وهذه صفات(ن) من وصوف الهداني =له ميزتن بالكره وإيضاء التواهيق
سجيت ابسلى وإن كون المحاني=اثر الغلا ينافر قلوبن مفاريق
والله الكافي ليا الحاسد رماني=بحسده عسى مثله لورطه وتحقيق
وترسي السفن وسط البحر والمواني=وإلا العفن والهيس مثل المخاشيق
ماله ولا له عندنا ايت كياني=لطروله الطيب تجيه التناشيق
من الحيل مايذبح جزيل السماني= فرق الشهارى عنه فرق التناهيق
والله عظيم وقادرن في ثواني=يزيل ويحول سعادتك للضيق
ربن صمد ماله شريكن وثاني=وصلاة ربي عد ما لمهر سيق
على نبين له مقام ن وشاني=شفيعنا في ساعة ن تنشفق الريق

تسجيل تواجد في منبر الجزاله
صح لساانكـ
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

قصيده وافيه ومن راس وافي
لاهنت ولاهان هذا الحضور
تقبل تحيتي