ديوان الشاعر ( حفيد الحجيري )

الحجيري=
لا قدرّ الله و ناصر غاب=وحرف المثل شيّع أميره
مع بالغ العذر للأرباب=منهو يعوضّ جماهيره

الحجوري=
الموت سيفه وراء الارقاب = والباقي الله ولا غيره
لاغاب ناصر تسد غياب = عليك اطمئن مشاهيره

ابو سالم الرحال=
لعل هذ البطى مايطول=باللى عليه انشغال البال
يانجوم ياساريات ليول=عنه اخبرى كل منهو سال

الحجيري=
تقول و اِحنا كماك نقول=ما أشغلكم أشغلنا يالرحال
أبطى و حنّا ف رجى مرسول=يبشرّ إنّه على أحسن حال

ابو سالم الرحال=
جانا المثل من رجال كمول=وافى ولاينقصه مثقال
من عندشاعرماهومجهول=حربى وبشرى حفيدرجال

ناصر الحجوري=
ياهل الوفاء ياعقول كهول = ياحافظين المثل لاجيال
جيت اسمع المنطق المعسول = اللي عزف للوفاء موال
يامن لسانك طري مبلول = ينطق بصدق الحروف العال
خليت دين الوفاء مدبول = صاعه بصاعين فالمكيال

ابو سالم الرحال=
مهما بذلنا من المبذول=الطيب ماينشرى بالمال
منى ومن صاحبى شملول=نقدم لك الشكر والإجلال
جانا الوفى باالثنا موصول=وكان له شان واستقبال
على جناح السعد محمول=ياعد لأهل المثل منهال

صقر المراقيب=
كل مابدينا نشبّ النّار=حتّى سوا نحكر الطّبخه
هبّ الهوى عاصفه بغبار=ترمي لنا القدر فالصّبخه

الحجيري=
ما تنطفي نار للهودار=اللي حباله مهي ربخه
و بْلا ذرى القدر ماهو قار=يا مولعّ السمر بالنبخه
* نبخة : كبريتة تشعل بها النار .

قود مورننق=صباح الخير
بيفور ، ويذ يو=قبل ، معكم
ماي هارت = قلبي
ليفِـتّ =
الحجيري=
(قود مورننق) يابني عمي=بيفور (ويذ يو) نمدّ القاف
(ماي هارت) بلحيل منغمّي=أقلّه ( ليفِتّ ) يقول : أخاف

ابومديده=
اﻹنجليزي تحت كمي=واجعل ثقال الحروف خفاف
لكن يكرم عنه فمي=حنا عرب عندنا اعراف

الحجيري=
وحنّا قبل ندخل نسمّي=في كل مرمى نجيب اهداف
لا تشيل و تحطّ و تخمّي=حنّا العرب والفعول تشاف

ابو مديده=
ما أعزلت لك دم عن دمي=انته تخيرت لك محراف
هرج الخواجات مو همي=وفي هرجهم مالنا ميلاف

الحجيري=
ما نذمّ شرواك ما يْذَمّي=رمشي لعينك غطا و لحاف
والآن خلّ البنا يتمّـــــي=وأفيد قلبْ اِستعى ما طاف

ابو مديده=
من بعد وجهتها يمي=طالب في سعيَ الفؤاد إشراف
مادام ماطاف وإهتمي=عليه تنعد خلف خلاف

الحجيري=
لا تزيد غلبي على همي=يا عاذل اللي يبيك اسعاف
جرح اِنفتق كيف يلتمّي=والسيف في قبضة السيّاف

ابومديده=
لو هي على الكيف والكمي=ابعد جروحك عن اﻹتﻻف
ذا جرح بيديك متنمي=واصبح علاجه على مهياف
وجرعت قلبك من السمي=عكس الهوى والهوى مايخاف
لكن زم الصبر زمي=والله يشوف لك دوا وانصاف

الحجيري=
جيتك بشكواي متحمّي=خابرك بالراي لك ميقاف
وإنّك مع الوقت منضمّي=واِزداد حجم الأسى أضعاف
يا حرف بالمجد متسمّي=شكراً ؛ وإذا هناك شي يْضاف
اِحفظ عن أهل المثل صمّي=الساريه فالمثل اِجحاف

الفِكْر بندق ، والأحرف زرف=و لكل رامي هدف و عيار
رامي يصيب الهدف فالطرف=و رامي زروفه يمين يْسار

صقر المراقيب=
شاعر وممتاز بالقلطه=وتجيد حبك الهجينيّه
لاكنها تنحسب غلطه= ماشوفكم بالفضائيّه

الحجيري=
من فضل ربي لنا قلطه=في كلها نارنا حيه
وألا القنوات مختلطه=رديانها بالسنافيه
وانت فالأشعار لك خلطه=من كل بحر آخذ شويه
لا صار لك فالفضاء سلطه=اطلع يا صقر الحناكيه

صقر المراقيب=
كل مابدينا نشبّ النّار=حتّى سوا نحكر الطّبخه
هبّ الهوى عاصفه بغبار=ترمي لنا القدر فالصّبخه

الحجيري=
ما تنطفي نار للهودار=اللي حباله مهي ربخه
و بْلا ذرى القدر ماهو قار=يا مولعّ السمر بالنبخه
* نبخة : كبريتة تشعل بها النار .