لاباس يابنت الرجال المطاليق = ردية بيني وبين مشاعل الشوق

هذه الردية بيني وبين الشاعرة
مشاعل الشوق حصلت في احد المواقع
مشاعل الشوق نزلت قصيدة تقول فيها

قضيـت ليـل البارحـه ضيـق فـي ضيـق=والـدمع من عيني كما الجمر سالي ..!




مدري متى من سكرة الحزن ابا افيق=واعلن لكل الحزن يوم اعتزالي ...!



لاجاني الهوجاس اعجز .. ولا اطيق=اجامل المخلوق لو هو عنى لي ...!

اكـتـم شـعـور الـحـزن خــوف المطـافـيـق=تـمشي مع العذال بالي جرى لي...!

والضحك في وجهي غدى بـس تلفيـق=اخفي وراه من الهموم الطوالي ...!

ورديت عليها بهذه الابيات

لاباس يابنت الرجال المطاليق=لاتشتكين الحزن لا.يا حلالي
مانتي لحالك يشتكي نشفة الريق=كلٍ بصدره مثل حجم الجبالي
حزنٍ يغرق للمعاليق تغريق=ولولا الحياء والله لاشق شالي
لاكني ادرا هرجةٍ للمخاليق=وادراء وجيه مزبنين التوالي
من شانهم والله لوحجمها طويق=لشيلها خلف الضلوع النحالي
حنا خلقنا للعنا والتوافيق =قسمه من الله ماهو عمٍ وخالي
كل البشر تشكي من الهم تزهيق= ماهومغير انتي ولاني لحالي
سنة حياة ولالها ايات تطويق=كم عذبت قدامنا اللرجالي
ياماشكوها معتلين الشواهيق=قبلي وقبلك قد شكاها الهلالي
سقت الوفاء يابنت فنجال ماذيق=وردوه ليه مثل تال الحثالي
ناسٍ خناجرهم تحش المعاليق=مال الجمايل عندهم قصر عالي
ومن عقبها حطيت عشرة مغاليق =للقلب واصل بالوفا من وفالي
والمسأله ماتبغي ايات تحقيق= انتي وانا في حكم رب الجلالي

[/quote]
وردت على ابياتي تقول

الضيق جيش وطوق القلب تطويق =انفقت في دفعه حلالي ومالي
طبق فنون الحرب في القلب تطبيق = لين اعلنوا يا بنت يوم احتلالي
لاعاد لي دمعه ولاعاد لي ريق = نشفت دموع العين باول وتالي
النفس اسليها بنظم الطواريق = لعلها تسلى ولاني بسالي
لو كان به شخص على القلب بيويق = ان كان شاف الهم مثل الجبالي
حتى الامل ماعاد لي فيه تبريق = ولاعاد له في القلب ايت مجالي
والكون كله مابقى فيه تشويق =الضيق لازمني على كل حالي

يصعب على الي فاقد الهم تصديق = ان الهموم تهد سود الجبالي

صح السانك مشاعل الشوق ولافيك حيلة يالغلا
الله يبعد الهم عنك وعني وعن كل مسلم

الشاعره الكحيله
صح الله لسانك
وصح الله لسان
الشاعره مشاعل الشوق
لاهنتي على الطرح الراااااائع

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحة الالسن يعطيكم العافيه

تحياتي واحترامي للجميع

	المشاركة الأصلية كتبت بواسطة سعد المحمدي

	الشاعره الكحيله صح الله لسانك وصح الله لسان الشاعره مشاعل الشوق لاهنتي على الطرح الراااااائع

مستشارنا القدير سعد المحمدي
صح بدنك لاهنت
ولاهان وجودك

الشاعرة كحيلة حرب
صح الله لسانك
وصح الله لسان
الشاعره مشاعل الشوق
لاهنتي على الطرح الراااااائع

كلام
جميل سلمتي.

صحت السنتكم جميع وتقبلي مروري المتواضع

صحــت السنتكــم
دمتم برعاية الله وحفظة

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك لاهنت
ولاهان وجودك