( اللي تصبّر لا بـد ينـول ) .. محاوره مع الشاعر القدير / ناصر بن مصلح الاحمدي

/
/
/
/
/
/
/
/
/
/
/
/
/
/
/
/

خالد بن عبيـد الاحمـدي =
سلام واصلـك ياشملـول=والطّيب مانصـكّ بيبانـه
ياالشاعر اللي من اسطنبول=يرسل للاصحـاب قيفانـه
ناصر بن مصلح الاحمـدي=
أهلاً هلا عطرها مرسـول=فيها الغـلا زادت اوزانـه
للشاعر اللي بعرض وطول=يعزف لنا أعـذب الحانـه
خالد بن عبيـد الاحمـدي =
لك البقى والوفا موصـول=والشكّ مانطلـق اعنانـه
ليتك تفيد الـذي مذهـول=من جيل ماانصفه ميزانـه
ناصر بن مصلح الاحمـدي =
حكم الزمن دايمـاً مقبـول=ولو عاصر الجيل بحزانـه
ومنهو مشى سكّته باصول=يبني مـع الوقـت بنيانـه
خالد بن عبيـد الاحمـدي =
معذور يومه يدور احلـول=اللي على الطيب سيسانـه
لاساووا الميـل بالمعـدول=وحطّوا له اللاش بوزانـه
ناصربن مصلح الاحمـدي=
قايست فكري ولك باقـول=يامبـدع برسـم ديوانـه
دنيا وفيها جبـل وسهـول=وكل بحر يوحيـه ربانـه
ولا بد يوم ٍ نرى المأمول=ويـزول لاشـه وطوفانـه
واللي تصبّر لا بـد ينـول=ويقضى على كل عدوانـه

مردود راق لي كثير صحت ألألسن وسلمت يمين خطته لنا

لك فائق تحياتي وودي ياغالي

¨°o.O ( ×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت الالسن وطابت القلوب
ودمتم بود

صحت السنتكم
والله يـعـطـيـكم الـعـافيـــــــــــة
بيض الله وجيهكم

هيثم الشعر
صح بدنك
واشكرك على مرورك

هيثم الشعر
صح بدنك
واشكرك على مرورك

راشد الزهراني
صح بدنك

صحــت السنتكــم
دمتم برعاية الله وحفظة

صحت السنتكم وبيض الله وجيهكم


لكم تقديري