ديوان الشاعر ( تلميذ الكسرة )

اللي عجز لا يفك الحرف * و يبغــى يعبي مواعينـــه
باب الشتم ينفتح للغــرف * و يلقى الأباليس و تعينه

احلا السعد جلستي فالبيت * وخصوص لا كنت في ركني
وما دام عنــدي الذي حبّيت * ما ضــرّني قولهـــم سكني

كل ما التفت التقي حولي * مثل القمر ما نلاقي فرق
آظــن تصنيفهــــــم دولي * مقصودهم يحرقونا حرق

كان البنــا في صمــود و تل * ومحدن شكـا والبيوت صريف
واليــوم سـاس البنــا مختل * واصل السبب نكبــة التصريف

يامن لنــا بالدلال تكيد * واللي انذكر ارحموا عبدي
ما دامهـا عــوّدت تنكيد * يالله عسى تنغسـل كبــدي

يا ليتني ضيفهــــم وإقرا * والقى لنا عندهم مسكان
الحب حرفيـــن لـــو تقرا * و منزالها في اعزّ مكان

مثل الحنش راسهم دلفين * و مــا يســـبقونه بســـيارة
يذكــــر لنــا فالبـــلد بيفين * ولا هــو ســفينة و طيــارة

ما ندّعي الغيب و التنجيم * في وقتهــا جـــــاتني غصّه
حسّبت في روسهم تحجيم * قـــــالوا لنــا اسمهــا قصّه

قلبي اشتعل بالغرام و شبّ * من حسنهم و الحلا يغري
كل الولــه ينلقـي فـــالصب * آشيب و ابقى على صغري