بي ام دبليو ماتخلي بقايا حازت على كل الحسن بنت برلين

بسم الله الرحمن الرحيم

على طاري الميزانيه قصيده سابقه تحكي الواقع تتشرف بمصافحة هذا الصرح الشامخ

راكب اللي تقل تعطي تحايا=نور الاشاره لا ضوى يسار ويمين
تصميم من فكر العقول الدهايا=ماصمموها في تخرص وتخمين
واللي فرق في صنعها والسوايا=عرفٍ عليها مثل وزن النياشين
لب الجنوط ولب ذيك المرايا=ولب المقفى لاغدى الليل ليلين
بالوجه وسمٍ مايعوق الحلايا= وسمٍ تشكّل في جبين المصلين
استغفره مير المزايا مزايا=اللي عليها قمت اجر التلاحين
فيها من اللي حمّلوها شضايا=من طايرات الميق واحد وعشرين
بي ام دبليوا ماتخلي بقايا=حازت على كل الحسن بنت برلين
عليها اباوصّل سلامي ثنايا=للي على الخوه طليق الحجاجين
خوة رشيدي غير كل الخوايا=عزام بالشده وعزام باللين
هذا وقلبي هز عوج الحنايا=من هزته عيّت تضخّ الشرايين
حط النقط على حروف الهجايا=الحال مزري ماتفيد التطامين
بنجد العذيه وضعنا كالجلايا= بين المطارق روسنا والسنادين
شيٍ تشوف العين ماهي حكايا=وسمع الاذاني غير عن شوفة العين
احدٍ ضحك واحدن يجرالبكايا=ينهلّ دمعه لاسمع طاري الدين
حلقٍ روي واحلوق عطشا ظمايا=بطنٍ شبع بطنٍ ترصه حصاتين
واسبابه اللي لابسين العبايا=بعض العبي سترٍ لبعض الجثامين
اللي بطرفها يحجبون العطايا=لاسلم يردعهم ولا منهج الدين
اخباث المذاهب واصلين العلايا=سفالٍ رقت على كتوف المساكين
بينت نبذه والبلايا خفايا=نبذه قصيره تشرح الواقع الشين
واقع يصور مخلفين الوصايا=اللي دنسها دنّس الما مع الطين

تسجيل تواجد في منبر الجزاله
صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك يا ابن العم
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .


تحياتي

درر قيمه ومميزه

الله يعطيك العافيه

لا هنت
,
,
,
شكرا لك

صح لسانك وسلم بنانك



قصيدة رائعه بروعة حضورك



لك تقديري

الحب الباقي

صح الله بدنك واشكرك على تفاعلك اخوي

نديم المجره


وجهك ابيض اخوي وصح الله بدنك


شكرا على المرور

فهد ابن غانم


صح الله بدنك


واشكرك على تفاعلك ومرورك