حزامي قبيلة حرب لفعولها شواش

الا يامحمد كان عظمك طري وهشاش=تعوذ من الشيطان وادرى عواقبها
لاترفع حساسك وانت قالو بليد ولاش=كثير الغباء نفسك على الذل يجلبها
على راسك اللي من صدوف الزمن منداش=ياكثر المصايب يوم هبت هبايبها
تجي دون داعي ثم تجلس بدون أفراش=مع الابه اللي عيبكم مايعيبها
غنيين عن شرواك يالخايب الغشاش=ترى الكاولي مامذهبه مثل مذهبها
ماعمري سمعت اهل الولع هدة الخفاش=حقايق قريت احروفها قبل مكتبها
بعد جيتها من كربلاء يالردي منحاش=على حد قولك ماصفت لك مشاربها
عطوك البطاقه يامحمد بها تعتاش= ماقالو على الجيران هايط وعذربها
تذم الرجال الطيبه وانت واحد ماش=سفيهٍ ركابك مع هل الغي تشعبها
رديه مقاضيبك وفكرك فكر حشاش=علومك طوال اعراض منته مرتبها
تدور على الشهره مع الناس بالمنقاش=ماباقي فناجيل العرب غير تشربها
وبعد جاك راع السيف والرمح والرشاش=ورعا البندق اللي ماتجنب مضاربها
عطيب الضرايب عملته كلها بالكاش=سبايك ذهب قصدي قنابل مذهبها
من اسبابها يمكن يصيبك وهن وخراش=ومع اصحابك الغالين بكره تخربها
ياراع الهزايل للهزيله ورى قشاش=تبعد قريبه والبعيده تقربها
قبيحه علومك والنطيحه لها نهاش=ياكلب المجازر نفسك الشين مطلبها
ترى كثر هرجك يابرق الريش يالبكاش=وساع البنايد مايقرب حظايبها
بعد قدرك اللي من حماقه علينا غاش=علي الحرام ارموش عينك لشيبها
انا دون ربعي محتزم يالردي بكلاش=ومعي حربةٍ من دم جوفك مخضبها
حزامي قبيلة حرب لفعولها شواش=ليا قيل حرب الراس ياصل كواكبها
ذرى من زبنا حقنا صعب مايناش= قبيله عريبه يامحمد مناسبها
نزلنا الحجاز ونجد يوم النفوس اعطاش=ماحد ردنا يوم الطمع عن مناكبها
تبعنا هوا حرش العراقيب يالقراش=على ظمرٍ روس المناعير ترهبها
وانا داري انك راس ظبيٍ مافيك اعراش=عيال الحمايل مادسم شواربها
تزعمة شله رميها عن هدفها طاش=عديمه ضمايرها عسى الله يخيبها

كفوووووووووووووووو

يابو تركي على الجزالة ولاهي غريبة من راسك اللي يطّبخ حميا وسطر وطناخة

فكل بيت عن قصيدة ويحتاج تعليق لوحده يادرع حرب

وأتشرف أني أول الرادين على هذه الحارقة .

صح لسااانك وبيض الله وجهك

لاهنت وصح السانك

تقبل التقدير والاحترام

وفقك الله

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة شأس نجد

	كفوووووووووووووووو يابو تركي على الجزالة ولاهي غريبة من راسك اللي يطّبخ حميا وسطر وطناخة فكل بيت عن قصيدة ويحتاج تعليق لوحده يادرع حرب وأتشرف أني أول الرادين على هذه الحارقة .

هلاوغلا يابن العم

مرورك شرف لي الله يبيض وجهك

يقول الشاعر سبيل بن سند الله يرحمة

حنا حرار وكل حرٍ جزوعي=ماتمشي العوجا علينا مدانيق

شمر قبيلة والنعم فيها بالحاظر والماضي والشاعر محمد الشمري لايمثل شمر بكلامه

سفيه ذم حرب عامه بدون استثناء ومن ابسط حقوقنا الرد عليه بدون المساس بشمر

السلام عليكم ورحمة الله وبركاته
سلمت ودمت أخوي الشاعر ‏سعد المحمدي على القصيدة .
.
.
جزله ورائعه وصح لسانك
أخوك ابوساره

	المشاركة الأصلية كتبت بواسطة راعي الوفلا

	صح لسااانك وبيض الله وجهك

صح بدنك وبيض الله وجهك
ياراعي الوفلا

	المشاركة الأصلية كتبت بواسطة الجرح

	لاهنت وصح السانك تقبل التقدير والاحترام وفقك الله

هلا وغلا مليون
يابن العم

صح لسانك يابوتركي وبيض الله وجهك