يا ناشد عني ترى البال مبسوط

يا ناشدٍ عني ترى البال مبسوط
مرتاح والصعبه تجي بعد تبسيط
اتعب على قافي ولا اني بمظغوط
ابني عمود القاف من بعد تخطيط
انضم قصيدة هاجسٍ مابه شعوط
نضم السبح لمرها صافي الخيط
جديلها من كف يمناي ممشوط
يالي تقول ان القوافي خرابيط
كنت احّسبنك ماضي الوقت مظبوط
لا شك حاصلك من الوقت تفريط
من بد خلق الله لفى صوت منغوط
كنك ابن زيدون ولا بن مشيط*
قدر الردي بين الرياجيل مسقوط
الي يحس بداخل الروح تحبيط
وراع الكلام الزين لا شك مغبوط
وملا يقدر يضرب براسه الحيط
يالي حمدة الله ترى الجمر لاعوط
نحيط والي معتلي فوقنا امحيط

عبدالله عيد الحنيني

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة