ديـوان الشاعر / نفاع محمد السهلي ابوفـــرح

ماخانِك احساسِك الصادق = ياحـروف لوخانـك التعبـيـر
يشهد لـه الدمـع ويصـادق = عـلـيـه مـــن قــــوة الـتـأثـيـر

آآآخر الحلول
.
.

نفاع السهلي=
انا اشهد ان المحبه ذل = ياكم بها ارواح محتاسه
لاوين وانا في رجوى خل = يقسى على قلوب حساسه
ابوفرح=
يامرتجي للموده حل = ماللهوى فن وسياسه
انصى حبيبك وتله تل = حتى تنتف شعر راسه

اغـنـم صـفـا جـوّهـا يـاذيــب = الشمس ماهـي علـى بابـك
اعلم لو انك في يوم تغيب = تـشــرق ولاهـمـهــا غـيـابــك

تغنيك دمعه عن المشروح = فرحة خفوق الذي يهوى
من بعد للروح عادت روح = من دونها الكون مايسوى

ياعيون ياذارفه للدمع = والمُر زادك ومشروبك
ماشوف انا للنظر والسمع = داعي بعد غاب محبوبك

انا اشهد ان الكبر آفـــه = مستوطنه في ضعيف النفس
عايش بها فكره التافــه = في ليل ماله نهار وشمس

[/quote]

مع الشاعر ولد الساحل
,
,

ابوفـــرح=
ابستحث الخُطا واغنم = ساعات فالوقت معدوده
فيها الملاقا مع ابن العم = يروي ضما نفس ملهوده
ولدالساحل=
لبيه يامن لنا تزهم = من قلب باقي على عهوده
اليانصيته يقولك سم = يبذل لراحتك مجهوده
ابوفـــرح=
تسلم وانا في أسايه كم = عيني على الدمع محدوده
ذا وقت فيه الخساير جم = قاسي ولاترحم جنوده
ولدالساحل=
مرضى عليك الألم والهم = والوضع ماباحت سدوده
هات الذي داخلك واسلم = حتى افند لك بنوده
ابوفـــرح=
ماهو عليك الأمر مبهم = وافعال الايام مشهوده
تأثيرها بان واستحكم = قبل الثمر يرتكز عوده
ولدالساحل=
بعد اتضح قولك المحكم = فالحال يأتيك مردوده
دورات الايام ماترحم = والوقت يامصعب قيوده
لاتلد فيها ولاتهتم = لوظلمها جاوز حدوده
اصبر على مرها واعلم = عواقب الصبر محموده

وليف الشوق=
ماكان ظني يجيني الـدور = واصـيـرمـن حــــال مـتـظـلـم
فاللي مطول علينا شهور = لا يـمــر اصـبــح ولايـسـلــم
ابـقـا افــادة رفـيــع الـشــور = شــاعـــر واســتـــاد مـتـعـلــم
عسـى الافـاده تفـج الـنـور = ويــرتــاح انــســـان مـتــألــم
ابوفرح=
يامـن بهـا الوافـيـه مخـبـور = مـثـلــك لــهـــا راس ومـعــلــم
حتى على الطالع المنشور = اقــــــــدر افــــيــــدك واتــكـــلـــم
واجب تقصى عن المذكـور = وتبـحـث وتـسـأل وتستـعـلـم
يمكن خوافي فوسط صدور = تلـقـى بـهــا الـعــذر وتـسـلـم

مع القدير فواز الزويهري
.
.

ابوفــرح=
انشد عن عيون ناس عزاز = لعلها كفت الدمعه
اللي لهاسنين يافواز = تذرف من السبت للجمعه
فواز الزويهري=
قلب العيون الحزينه اجتاز =ليل الحزن واوقد الشمعه
واتغيرت صورة البرواز =لجل الفرح صار من طبعه

دقوا في نعش الوله مسمـار
وجـاروا علـى قلـب مغليـهـم
اهـــدوه بـاقــة الـــم تــذكــار
واقـفـوا والاعـيـان ترعيـهـم
نــــــفــــــاع الـــســـهـــلــــي