ديوان الشاعر ( حفيد الحجيري )

مدري نهار الشهاده ؛؛ كيف=المسلم يعايد المسلم؟؟
وأخواننا تحت حدّ السيف=والله عن أحوالهم يعلم

أمي و أبويه على التحديد=بالعيد ماني مهنّيهم
بأهنّي العيد لأجل العيد=يستقبل التهنئه فيهم

الحجيري=
نسمة حروفك يابو سيمار=تهزّ ورقان و طويقا
اِسمك من الآن موسيقار=الحرف . والحرف موسيقا

الصامت=
تسلم يامكسي الحروف وقار = طوق جزيرته تطويقا
ماتهم الالقاب من يختار = مثلك للقب . أصبح وثيقا

منّيت طرفي قبِلْ ما يهلّ=يجيبه العيـــــــد وهــــلاله
هذا هُوَ العيد عاد و زلّ=وعوّدّ على الطرف شلاله

محمد سعد اليوبي=
أخوي .. لو هو عليه زل=آعاتبه وآتعزوى فيه
لكن بعض ناس ماله حل=قلبي معه كيف آجازيه

الحجيري=
القلب في سدته من حل=محمي ولو ضاق به راعيه
منصى ويــاكم تربعّ خِل=في ناصيَة قلب ما يعنيـــــه

بخيتان=
لاتزيدني فوق مابيه = العيد لو مر بي عادي
ماتلتقي فرحته فيه = العام ودعتها اعيادي

الحجيري=
الصبر ياخـوك له فيّه=في يــوم مـا عنك نشـادي
بالحسنه مبدلّ السيّه=بشرّ هل الصبر بأسعادي

القلب الأبيض=
زرعت بيدي والمسحاه=حتى طلع زرعها فاخر
ولما زرعته وشفت اذراه=اقفيت لايكدر الخاطر

الحجيري=
الزرع من بالزلال أرواه = بمجناه لابد ما يفاخر
واللي حصاده ما نال رضاه = منه السبب فأول و آخر

القلب الابيض=
زرعت لي زرع في مضماه=وكنت اتمنى يجي زاهر
اثر البلا داخله بجواه=مايعالجه لوحضر ناضر

الحجيري=
فاخر حصادك وضامي ماه=الفرق ما بينها باهر
والحر كما قيل من مرباه=الزرع أيضاً من الباذر

القلب الابيض=
اسمع كلامي ولا تنساه=اللاش من رافقه خاسر
اللى وجدنا تبي تلقاه=اقولها لو زعل ناصر

الحجيري=
لا توصّي اللي تعلّى بناه=بنيه مع اهل الوفا عامر
وناصر عزيز المثل والجاه=ما عنه غير الوفا خابر

القلب الابيض=
من باع صاحب على يمناه=هذاك عن الوفا قاصر
دامه صديقك طوينا ارشاره=الله يوفقك ياتاجر

الحجيري=
ما جاك منُّه ومنْك اِشْ جاه=ما خصنّي فيه يا متاجر
وإن سلتني صاحبك تحماه=مهما حصل منه ما تجاهر
اِحفظ من الطيب ما سوّاه=ما أنهدّ قد يبتني باكر
واِحفظ ختاماً ؛ حسن مبداه=مدّ الوفا والوفيّ يامر