1947لغز : لها موطن وجنسيه الغز مرفوع

السلام عليكم ورحمة الله وبركاته
اقدم لكم هذا اللغز وعساه ينال اعجابكم


لغــزٍ يجـي مـن سـامي الأفكـار ** مـا جيــت بـه يالربـع عـاريّه

واقـول ياأهل اللغـز والأشعــار ** ويـش الفتـاه اللي لهــا هَــيّه

بنـات الريــح مـالهــنّ أذكـــار ** لن جــا لهــا فـالأرض مـاريّه

من ثلاث أسما والوسـوم اِكثار ** وبْجملـة أسمـاهـا سمــاويّه

ماحاد عنهـا الشاطـر البيطـار ** غـيرٍ لهـا موطـــن وجنسـيّه

هيّه >> هيئه

(( تم اضافة بيت للمعلوميه ))

السلام عليكم ورحمة الله وبركاته .
أخي الكريم العطاوي أسعدك الله في الدنيا والآخرة.
وصح السانك على الغز الطيب والرائع والمحكم
وهذي عادة الطيب ما يجيب إلا طيب,

رمعة على الطائر: وش رايك:
بالجنسية أو الهوية الوطنية

هلا بك ابو فهد
يسعد مساك والجميع بكل خير ،، مارائع الاّ طلّتك الطيبّه
الرمعه مالك لوا ،، اطيب تحيه لك واحترام

السلام عليكم
اخوي خليجي نت خذ رمعتي
( فيه طائرة اتوقع انها الميج او الميراج ( الاسرع من الصوت ) وهي تصنع في ثلاث دول اذا ما خانتني الذاكرة ) المانيا وفرنسا واسبانيا
الزبدة ماهي الطائرة المذكورة

	المشاركة الأصلية كتبت بواسطة عشير النشاما

	السلام عليكم اخوي خليجي نت خذ رمعتي ( فيه طائرة اتوقع انها الميج او الميراج ( الاسرع من الصوت ) وهي تصنع في ثلاث دول اذا ما خانتني الذاكرة ) المانيا وفرنسا واسبانيا الزبدة ماهي الطائرة المذكورة

عليكم السلام

مالك لوا ياعشير النشاما و من أول رمعه رمعتك خطيره

اعجلو يالنشاما قبل نهار الصياما

:)

السلام عليكم
صح لسانك يالعطاوي الله يعطيك العافيه
جاري التفكير

بنات الريح مالهن اذكار = لن جالها فالارض ماريه
ممكن لو تكرمت تشiرح هالبيت انا ماني فاهمه
لاتواخذني العرف لك عليه

صح السانك واعتلا الشانك على اللغز الطيب اخي خليجي نت

مادام انها الغت ذكر بنات الريح نبا انقول السياره او وسيلة المواصلات الحديثه


الطياره والسياره والقطار




وتحيتي لكم وتقديري

	المشاركة الأصلية كتبت بواسطة محمد عبدالله البدراني

	صح السانك واعتلا الشانك على اللغز الطيب اخي خليجي نت مادام انها الغت ذكر بنات الريح نبا انقول السياره او وسيلة المواصلات الحديثه الطياره والسياره والقطار وتحيتي لكم وتقديري

صح بدنك يامحمد والله يرفع قدرك

مالك لوا في كل ماذكرت

تحيتي وتقديري

السلام عليكم ورحمة الله وبركاته :
خليجي نت أسعد الله صباحك بكل الخيرات
وصح الله لسان وشرايك مرماعين على الطاير
( سفينة نوح -- نار تخرج من عدن) ولك تحياتي