ديوان الشاعر ( حفيد الحجيري )

اللي يا بابا ينوش النـــــار=تحرق يا بابا أصابيـــــــعه
شطّووور خلك كما الشطار=تصغي إلى الأمر و تطيعه

الحجيري=
يا سرور كل شخص يلعب دور=والناس باشات و أفندي
لكن تخيّل معي يا سرور=الضابط يقيّمه جندي !!!

سرورالبشـري=

انا تخيلت يالمشهور=واخذ الاجابات من عندي
لاصار جندي وراعي شور=وله فكر لجل ايش مايقدّي

الحجيري=
ما أشهد بحقّه شهادة زور=للخصم فالمعركه ندي
لكنّ فكره فبعض أَمور=أقرب إلى حفرة المندي

سرورالبشـري=
للحق ماينتغطى نور=وماضاع راعيه يافرندي
وكل بعيبه يادكتاتور=من دون لانجيب ونودي

الحجيري=
دستور يا فريندنا دستور=أسعدتنا بلحْن باشندي
يا حرف له فالمثل جمهور=عدد هَلَ الهند والسندي

ثنتين أمحصّ بها الرجّال=يا أشريه فالسوق يا أعافه
الأوله منْطقُه يا رْجــــال=والثانيه وين ميقـــــــــــافه

صقر المراقيب=
من عاش في دنيته يغلط=وصّه بتوبه لوجه الحيّ
ومن رحمة الله لايقنط=مادامها واســـــعه كل شيّ

الحجيري=
حرفك بلا واسطه يقلط=ماهو بعوزة وســـــاطة حيّ
والعبد لو فالذنوب أفرط=لا يقول . ما عاد توبه ليّ

صقر المراقيب=
شوف الحجيري مع الايام=مطوّر النّهج في قافه
قام يتجرى على الاعلام=ويعجبك قافه وميقـافه

حـــــــــرب=
بالامس واليوم او قدام =ابو علي نادر اوصـــــافه
دايم مسيطر على الاخصام=اللي تحت ظل مشرافه

محمد سعد اليوبي=
بين الهدف والضمير أتعبت=قلبي وراء ضبي في غابة
وقدام لا يحضره ما ارتحت=ولا ارتحت من بعد ما جابه

الحجيري=
ياللي لقيت الدوا وما طبت= وأجهدت قلبك على أتعابه
ضميرك الحي عن ما طِلت=كشـــــــــــرّ وأنّبك بأنيابه

أبو بتال السيد=
يا ليتها في هذاك اليوم=ما شافت العين ما شافت
اقفى وخلى الشقي محروم=والروح من مابها ذابت

الحجيري=
لا تمضّي العمر حسره ولوم=دنياك كم ودّت و جابت
ولا ترمي ألاّ هدف مرسوم=رميه بلا عيار ما صابت

الحجيري=
يابو محمد تعال نعيد=ذكرى الحروف النداويّه
يوم المثل كان رحلة صيد=خوّه ونخوَه ونديّه
بخيتان=
ابو محمد مثل ماتريد = ضابط على الحرف جنديه
يبني معك بالأدب ويشيد = فالقيل وبكل جديه
الحجيري=
لك عين شاعر نظرها يصيد=شاح المعاني وأنا ليّه
معنى كأنّه هلال العيد=حدّ النظر في تحرِيّه
بخيتان=
تبني كهوف المثل وتجيد = فتل معانيه وشويّه
ابجتهد واتقن التسديد = على الهدف واعقد النيّه
الحجيري=
المهره اللي لها في قيد=صاحبك أبو زيد حوليّه
قلّه ترى العذر يابو زيد=عند النشاما فروسيّه
بخيتان=
مانخبُر اصحابنا تحديد = فاللازمة 0 تلزم الفيّه
وعن مُهرتك كان تبغى فيد = رُوح له وتسلم من السيه