ديوان الشاعر الاستاذ ( صالح الحربي )

	ياظالم الروح جافيتك ؛؛ بكب ودك معاد ابغاه في سود الايام ناديتك ؛؛ خليت طرفي يزيد بكاه

	ماهي غريبه على الاذواق ؛؛؛ الود لاعانق الآمال واللي عشقته من الاعماق ؛؛؛ الروح في حضرته تختال

	يامصعب الليل والآمه ؛؛؛ لامن تعدى حدود الصبر غدر الهوى شافه قدامه ؛؛؛ ناره ماخلت بجوفه شبر

	تتعبك الاشواق لاحترت ؛؛؛ والقلب باوجاعها يحتار كل عين مع ودها انسرت ؛؛؛ وعيوني تبكي تعز تختار

	دمعي تحدر من الهجران ؛؛ عجزت اوصف مرار الحال لو ذاق همي فواد إنسان ؛؛ مايبات ليله في راحة بال

	بمشي مابين الديار اسأل ؛؛؛ واطوف كون البشر مشتاق شارب مرار الهوى يأمل ؛؛؛ الوصل بعد الجفا ماانساق

	نظرة غرام فالحقيقه غلب ؛؛؛ الروح بالهم موعوده لاتنتظر ياهلاك القلب ؛؛؛ عذب الاحاسيس مفقوده