ديوان الشاعر ( حفيد الحجيري )

تنعيك يا نايف أهل الضاد=ما أعظم بفقدك مصيبتها
والرافضه تعلن الأعياد=مستبشره موت كابتها

صقر المراقيب=
الهدّهدّ اللي كشف بلقيس=مفروض بلقيس تدعيله
لنّه هداها عن التدنيس=بامر الذي منزل انجيله
الحجيري=
اللي ما يتعوذ من إبليس=يرفع مع إبليس منديله
واللي يعوم البحر ما يقيس=لا يظن الأمواج تاويله

خالد بـن عبيـد الاحمـدي =

بيني وبينك حوال اسبـوع=وضع الشّكل منـت حلالـه
ولادّخل سرور فالموضـوع=وابو عمـر سيبـه فحالـه

حسـن علـي البـشـري =

يا حرف يجري كما الينبوع=يروي ظمـا القيـل شلالـه
حدد لنا المشكل أيّة نوع=صاحبـك لا ينشغـل بالـه

خالد بـن عبيـد الاحمـدي =

توضيحها يافتـى ممنـوع=مــادام للهرج نـقّـالـه
وان كان فكرك معك مايطوع=مانـي مذكّـرك برسـالـه


حسن علي البشري=

فكري معي والحرار تزوع=والبث ما يقطـع اِرسالـه
وإن كان تبغى حُكُم مقطوع=ذاك الجبل صعب ترقالـه

خالد بـن عبيـد الاحمـدي =

مايشكي الحرّ ضيم وجوع=وفالجزل تشهد له افعاله
حنّا لنا فالجبال اطلوع=يوم انت فالقاع وارماله

حسـن علـي البـشـري =

قاضيك دامك قصدته طوع=تِخْضِعْ عمامتك لعقاله
مالك معه فالطريق رجوع=واللي يحملكّ تشتاله

صقر المراقيب=
نحتار بالوقت وميوله=والوقت مايستمر بحال
والثّلب ماقام بحموله=اللي بها يكسب الجمّال
الحجيري=
في عرضه الوقت في طوله=كم اِعتدل للفتى كم مال
والنجم لو طوّل أُفُوله=يبدي ومبداه طيب الفال

صقر المراقيب=
حالي مسيطر بها هوجاس=ومن قلّة النوم متعنّي
الطفّ بحالي ياربّ النّاس=واصرف جميع الضّررّ عنّي

الحجيري=
لا باس يا صقرنا لا باس=ما يخذل الرب متمنّي
اِتعوّذ الله من الخنّاس=وتعيش بالعون متهنّي

صقر المراقيب=
ياصاحبي زاد ضرب العين=والسّحر من سبّة الغيره
كل ماصفى فالغرام اثنين=ضرّتهم ارواح شرّيره
الحجيري=
بقعا عسا الله عليها يعين=ويكتب لساعيبها الخيره
يا صقرْ بالذكر والتحصين=منير يهنى مع منيره

خالد بن عبيد الاحمدي=
يابو علي لانويت اتوب=عن الهوى واترك دروبه
قلب الشّقي يخلف المرغوب=ويرتد له من بعد توبه

حسن علي البشري=
قلبك مسيّر وذا مكتوب=والعبد يرضى بمكتوبه
واللي طعم للهوى مشروب=ادمنّ يخالد لمشروبه

صقر المراقيب=
سلام فرحه لكم نهديه=وانقول مبروك لافيكم
مصلوح باذن الله فولديه=وبالحق ّ ممشاه يرضيكم

حسن علي البشري=
من قلب من قلبك يهنيه=ترحيب يشكر تهانيكم
واللافي الله يبارك فيه=ويبارك الله لنا فيكم

خالد بـن عبيـد الاحمـدي =

ردّة وفـا جـات محكـوره=ياراعـي الطيـب والعـدلا
لابيّنـت للبطـل صــوره=دقّ التحيّـه لخـو هــدلا

حسـن عـلـي البـشـري=

ترحيب من هاجس أسطوره=ينصاك يـا لابـس البـدلا
واجب لا جابوا لأخو نـوره=طاري . يابو عبيـد تعتـدلا

خالد بـن عبيـد الاحمـدي =

مااحتاج في حبّـه امشـوره=وبالهـرج لاتميّـل الـعـدلا
احنا على العهـد مانبـوره=ونمشي على نهـج معتـدلا

حسن علي البشري=

علامها أحرفـك مكـروره=عنيتـهـا بقافـيـة ادلا
ولاك ما نشـكّ فـي دوره=وحرفي حسب ما رأى أدلى

خالد بن عبيـد الاحمـدي =

عسى صخونتـك ماتـزداد=ياللي مجرّب سعوط وفكس
وان كان ماطبت فيه امضاد=اسمه على علبته بينمكـس

حسـن علـي البـشـري=

يا صقر منك الوفـا معتـاد=عن حالنا تقول أشعة إكس
فِقْرَتْك لجروح أخوك ضماد=صافي عسلها ما يقبل مكس

خالد بن عبيـد الاحمـدي =

ماكان ينعـزّ عنـد اجـواد=اللي حلاته تفـوق توكـس
وبعد المطر كان حظّي جـاد=طلبك يرسل عليك بتكـس

حسن علي البشري=

ما نشكّ فيك ، الوفا إنْ ما زاد=ما ينقص ولا يعـودّ عـكس
وإن جـاد حـظـك لـنا ميـعـــاد=وإنكان ما جاد . منّا ثنكس