ديوان الشاعر الاستاذ ( صالح الحربي )

	مثل القمر بالسما بادي ؛؛ حبيبي غايب متى اشوفه اليوم يعدي ماهو عادي ؛؛ نقشت اسمه مع حروفه

	اضحك مع الناس واساير ؛؛ حكم القدر للحشا ساقه امسح دموع فكري الحاير ؛؛ تنزف جروحي على فراقه

	ياليت الاقدار تمنعني ؛؛ كل ماصدفني بحزه ود بأول حلاته يخدعني ؛؛ والتالي يخلفلي الموعد

	راقي غرامي مع الاحباب ؛؛ غدالهم بين روحي روح جور المفارق فتحله باب ؛؛ لاوجاع ماتحتملها جروح

	من مطلع الشمس للمغرب ؛؛ آهات بالجوف تألمني هايم مع الود ومستغرب ؛؛ يهواني ولا قنع مني

	عديت بحر الهوى والبر ؛؛ عانقت جوه وهو طاير لقيت حال الهوى ما يسر ؛؛ شاكي مفارق وهم جاير

	لو كاس ود المحبه يدوم ؛؛ كل العمر اشربه صافي ما كان طرفي بكا محروم ؛؛ والحمل يثقل على اكتافي

	نار الهوى منبع الاحزان ؛؛ واللي عشق تحرقه تكويه هذا مفارق وذا ولهان ؛؛ وراعي الهجر تهلكه تفنيه

	ماللموده الم معروف ؛؛ ولا فعناها خلاص الروح لاغاب وقلبك عليه ملهوف ؛؛ بجروح تنزف وعين تنوح

	متوافق الطبع والتطبيع ؛؛ ولا في علم الموده ضد من قلبه يهوى ماعاد يبيع ؛؛ قدام غدره يعود ند