ديوان الشاعر الاستاذ ( صالح الحربي )

	ياوسع جرحي بغدراته ؛؛ كملي محذرك ياقلبي الود فاحسن حالاته ؛؛ ماتأمنه لو مشى جنبي

	عمر العنا ماعرف اسمي ؛؛ واليوم اصبح صديقي البار اثر على مهجتي وجسمي ؛؛ لجلي عشقت فالهوى جبار

	يامعانق الروح ياالمحبوب ؛؛؛ ومكايد القلب بعناده ماحن قلبك تشوفه يذوب ؛؛ ولاانت مرتاح فبعاده

	كمله فوادي وهو يرجيك ؛؛ يانازع النوم من عيني اشوف خلافي يروح يجيك ؛؛ يزيد ودك ويكويني

	كلفت على حالك المايل ؛؛ واجبرت نفسك على ماتريد لاتظن عرش الهوى زايل ؛؛ ولا حسايف فوادي تزيد

	مرتاح قلبه وقلبي عكس ؛؛ بحر الاماني تعبت انصاه اعظم إثم فهلاك النفس ؛؛ ولا قتيل الهوى افناه

	ظلم البشر اهلك الاوطان ؛؛ شعوب المها يهد الحيل ضاعت كرامتك ياالإنسان ؛؛ ذليل بارضك غزير الويل

	من عينه تهوى فواده يحن ؛؛ ريح العنا طبعها عاتي فكره ليالي مراره يجن ؛؛ ليت الصبر لاقست ياتي

	حبل الموده لكم مديت ؛؛ قطعت مره بقسوتكم لاني بمخطي ولازليت ؛؛ هاذي حقيقة محبتكم

	بعض البشر يبحث الويلات ؛؛ يمشي يدور عن السيه يفرح وغيره يجر آهات ؛؛ نفسه مع الشر مبليه