بالوجه سمن وبالقفا شبريّه - به طبـع ضبـع مخالطته جعاره

"
"
"
"
"
"
"
"
"

ياموتري لاوَقفت المسحيّه=خوذ الزفلت وعقـّـب الفوّاره
واترك عليّ البنص والوزنيه = والهيجنه والقافيه والطاره
على طريقن مابه الحفريه =ولاصدوع ولاعمود اناره
وان خفت سواقن على دوريه=عليّ لا اسوقه على العبّـاره
والربع باكر يدفعون الديّه=ربعن على عظم الكسير جباره
مير احتملني حزّت الظهريه=اليا صليتك لابس النظاره
حطيت ابان يمين والماريه=خط المدينه متعب السبّاره
عقب التوانك كلها ممليه=والزيت قبله تارس المطـّاره
ماشي ولالي بالنكيفه نيّه=ولامعي عبري ولا زوّاره
معي عليم الوضح والمخفيّه=لا بوعصام ولازعيم الحاره
في ذمتي واقولها جهريه=ما ابقيت للمنقود دوس الباره
مير العرب في روسها جنيّه=تسرحبها تاره وتضوي تاره
ولامعي عمّا جرى خلفيّه=على نقاي وصفوتي ياجاره
لكن صليب الراس والنديّه=اقودلي غاره واناطح غااره
ولا استعير الدس والرمزيّه=على النقا واصدق واجل عباره
ماني وكالة عاجل اخباريّه=على مهبّات الهوى فرّاره
بالتغطيات الكوم والحصريّه=سواة ابوقلبين وجه الفاره
اللي يجيب السالفه عكسيّه=ويشجعونه ربعه الهذاره
بالوجه سمن وبالقفا شبريّه=به طبع ضبع مخالطته جعاره
على القدوع ودلّة العصريّه=كل اجودي شنكربه السناره
يابوعيون انظارها حدريّه=ترى الليالي طبعها دوّاره
ولاتفيد الجلسه السريّه =لامرّتك بصدوفها حشاره
لكن عساها ياولد حوليّه=تفتك بكم وجيوشها جرّاره
ولا انذكر في فتكها حنيّه=كم دار قوم ندوسها مرّاره
لاشك لو عمّرت فوق الميّه = تبقى حمارن مرضعته حماره

الشاعر الكبير
بدر الهبيري
صح لسانك وعتلا شانك
شاعر جزل الله يبيض وجهك
لاهنت ياراعي الطيب والحميه
نحياتي وتقديري

تسجيل تواجد في منبر الجزاله
صح لساانكـ
بيض الله وجهك

الشاعر القدير بدر الهبيري
صح لسانك الله يعطيك العافية

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك الين ترضي

قصيده جزله من شاعر جزل

اسجل اعجابي ومروري

لك مني اجمل تحيه

	المشاركة الأصلية كتبت بواسطة سعد المحمدي

	الشاعر الكبير بدر الهبيري صح لسانك وعتلا شانك شاعر جزل الله يبيض وجهك لاهنت ياراعي الطيب والحميه نحياتي وتقديري

الشاعر الكبير سعدالمحمدي
لاهنت على حضورك الجميل وثنائك واطرائك ..
صح بدنك والله يعطيك الف عافيه يالشهم النبيل ..

	المشاركة الأصلية كتبت بواسطة رابح الجحدلي

	تسجيل تواجد في منبر الجزاله صح لساانكـ بيض الله وجهك

الاخ العزيز رابح الجحدلي ..
لاهنت على حضورك الجميل يالغالي وصح بدنك ..

	المشاركة الأصلية كتبت بواسطة فايزموسى البشري

	الشاعر القدير بدر الهبيري صح لسانك الله يعطيك العافية

الشاعر فايز البشري..
أشكرك على حضورك الرائع وصح بدنك يالقرم ..

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

الاخ العالي فهد بن غاانم
الله لايهينك على حضورك وصح بدنك الف والله
لايهينك على حضورك وروعة ردك ..