ديوان الشاعر ( تلميذ الكسرة )

( دوب القمر يا معـــايد هل * فــــي دارنا وابتدأ عيدي )
( في قربك العيد وان تجهل * راقب فـــؤادي و تنهيدي )

( يا كــاتب الخــــط لـو تعلم * ما تكتبـــه فالرخــــــا يمناك )
( من شان حرفين ما تسلم * والا بكلمــة تلاقـــــــي مناك )

( يا هل ترى أشتكي نفسي * والا أشتكـي مالكيــن القلب )
( ذقت المنيــه على كرسي * والمقصله عشتها والصلب )

عبر الهوى جا لكم مكتوب * و مدادهـا من غلاكم طيب
كيف أقتنع فالهـوى وآتوب * و جروحنا تلتهب ما تطيب

ما شفت في دنيتي مزيون = مثل القمـــر مفتن السمار
لمسة جمــاله بدر و نيون = و من الحلى تحسبه جمار

نسمة حبيبه بخور و طيب = كنّه دفــا فـــي ليـــــالي البرد
لــــو إبتسم للعليــل يطيب = وطعمه عسل في جمال الورد

( بين المحـــاني فصدري فلق * وكل البشر للقمــر يرعون )
( ضاقت بنا فالهــــواء الطلق * رغم الفضا واتساع الكون )
( لاجيتهـــم غصتـــي فالحــلق * وجينا لهم طالبيـــن العون )
( نلقى الوفـــا والمـولع خلق * واهل الهوى مثلكم يسعون )

ما همنــي تنزل الأسعار = أو ترتفــع كلهـــا خدعة
باسم التلاعب وهذا عار = في وقتنا اصبحت بدعة

يا سعد منهــــــو فبـــاله حلم = وإن أزًم الوقــــت ما يغضب
والا الـــذي محتــــــويله علم = والعلـــــم فالخلق ما ينضب
واحذر من اللي خصيم السلم = المنحشر في جحـور الضب
اللـــــــي مسوًي لربعـــه فيلم = وكفُــه بدم البشـــر أخضب

لو أحكم اليوم والأوقات * لأوصل السبـت بربوعــه
وآوثقه من رجـال ثقـات * والباقيـه تكمـل إسبوعـه