ديوان الشاعر ( تلميذ الكسرة )

حبل الجفا للمود قصير * وإن إدّعى قوّته حبله
مهما تغـلاّ تراه يصير * دايم معه في مدى نبله

قلبي إنشغل فيه قولولو * وكنّه إحترق يا جماعة خير
شاهدت لي عقد من لوو * وبعــض اللألي تراهــا غير

اللــي بنــا بالأمــاني بيت * وحتى إكتمل كل تأثيثـــه
لو هو تمنّى مره و ونيت * قولو عسى ربنا يغيثـــه

يا سعدهم صايدين الحوت * واعلم ترى رزقهم صيده
غيرالذي من قهر بيموت * ودّه متــى ينطــــوي قيـده

راح النظر والجهد والسن * ومحدن سمع صوت لمنادي
محــد التفت في كبير السن * يبنـي لهـــم عنـــدهــم نادي

قـدّمت لــه كل مــا املك * والباقيـــة جبتهـــا بالدين
من قلب ياروح اوهملك * وغرّك معه تتبعين العين

ربّ الولد وازقله في فجاج * واسمح ليا قــال ارخصني
واللي ملك مزرعـة لدجاج * ما يأمنــه يأكلــه حصـــني

يا كاتب الخــط وان توصف * وصفك لنا أضبطه بالزوم
وياكم من قول من منصف * لو إنذّكر ما يقضّي لزوم

يا قـــاضي الود لا تعدل * واحكــم لنا فالقضــية جور
لك حق للعــــهد تستبدل * لأجله إفترى فالبلد بفجور

لا تحسبون المعوزة عار * لدّوا لنــا بعــــد ما سمنا
ما ظنهـــا تنزل الأسعار * من يوم قــــالوا مواسمنا