ديوان كامل الصبحي (بحر الهجيني)

=
=

سبحانه اللي فيوم الدين=جميع الارواح ناشدها
و كل المخاليق مقتصين=مثل ما الله مواعدها
و لومك على من بها دارين=و اعمالها ما تفاقدها
هذا و عسانا من الناجين=اللي هنيه مراقدها

مع ازكى التحايا

=










=

عهداً علينا وفا منا=لليوم و الغد و المجهول
ذكر الهوى حيث ما كنا=نبني عليها الشعر و نقول

بحر الهجيني

=












=

أبطيت وآنا اصم ابكم=يالين حرفي فقد معناه
اللي منول برفع الضم=واصبح بكسره محد يقراه
و ماقلت بعد الصبر نندم=ونشوف مالا توقعناه
و الشرق بالغرب يوم التم=العلم جانا و كذبناه

بحر الهجيني

أتمنى ان تصل الى الذائقه


وصلني هذا البدع من أحد الأصحاب يقول فيه

سلام يا مدرس الأجيال=ياللي لكم فالمآسي فنون
بسألك وارسل لنا فالحال=ياللي فحكم الهوى تفتون
يا صحاب وين الذي لا زال=يمسح دموع اللذي يبكون
في حال يأسي و سقم الحال=و جروح تنبش لي المكنون
والآن عود القنا لا مال=مين يتكفل بقص فنون
يا صحاب احوالنا احوال=احوال منها العدى يبكون
لكن قليب الفتى ميال=مسكين يا قلبي المشطون

الرد

يا مرحبا و الصحيح يقال=لجل انها و الفنون شؤون
دايم علينا يصير اشكال=و نشاور اللي لنا يصغون
و الحل يأتي بطول البال=لو طال وقت الفتى محزون
الا المحبه هلاك الذال=اللي على الطب ما يسطون
و الود لانه بحر و جبال=و اركان دوله عليها حصون
و ياكم بحر الموده شال=و ابطال دون البحر يزرون
مثلي و مثلك كثير امثال=راحوا مع الوقت ما يدرون

وتقبلوا ازكى التحايا

بحر الهجيني

=








=

يابو تعب نفس صبَّاره=لا تفتح الباب و تسكر
اشبك و الايام غداره=تخلف صفى النفس و تعكر

بحر الهجيني

=












=

مالي بالايام عقب اليوم=يا كود نفسي و يكفيني
اني فسمايا قمر و نجوم=لا ضاق بالي تسليني

بحر الهجيني

لا و اللذي للسما باني=اليآس ما يكسب الجوله
انته كما الميت الفاني=فهجوم دوله على دوله

بحر الهجيني

=








=







=

العد ما هو كلام يقال=ولا ابتسامات برّاقه
العد جنه عليها اقفال=من دونها النار حرّاقه

بحر الهجيني

دستور يالقاضي الضرغام=ياللي من الإنس تكفينا
من عالم الجن و الإلهام=لصاحبه كان يوحينا
لاتكون ضالم من الضلام=ويسوء ضنك ترى فينا
لكن عشانك عزيز وهام=غآلي علينا و شارينا
دعواك يا مشتكي أسقام=قدام تعرض لقاضينا
عندك لها حجة استحكام=حتى نساعدك ياخينا
و لا مجرد وهم و احلام=ضاعت و لا عاد يمدينا
لجل اللوائح قانون نظام=و الناس بكرى تخطينا

=

















=


بحر الهجيني

سلام و منك المعاني ذوق=نطرب لها فن يوم تـدور
و إنت مكانتك عندي فوق=طيِّب و فيك الوفا مخبور

الديوان

لوقلت لك محتويني شوق=لاحلى لقا محتريه شهور
ترحيب واسمع نداء البوق=بافراحنا يخبر الجمهـور

بحر الهجيني

بعد التحايـا معـاك آتـوق=أعطيك نبذه عن المصرور
و انت منصب على المنطوق=قاضي و في مرتبة دكتـور

الديوان

لا جات شمس المثل فشروق=تكشف خفايا عن المستـور
أصدر حكم فالذي مسيـوق=من منطقه تسمعه مسـرور

بحر الهجيني

قعدت أساعد أنا المسـروق=و كشفتله السارق المغـرور
لله ما هو طمـع لـبـروق=و اللي اتضحلي انا المضرور

الديوان

مهما الحقيقة عليها شفوق=تظهر لو إنه خفاها دهور
وإن كان عندك دليل وثوق=لا بد مـا تظهـره للنّـور

بحر الهجيني

حفرت للي يحـب البـوق=فخه وهوا اعترف مجبـور
و المنسرق ما عطاني طوق=فيها أواجه ثمان بحـور

الديوان

ما يجوز تبقى كذه ما يلوق=لا بد ما تناقش المذكـور
يمكن سببها خفايا طـروق=خلّتك في غبهـا مأسـور

بحر الهجيني

قدمت له كل مـا هـو يفـوق=من وصف,,,في داخل المقرور
لاكن عزولـي معـاه سبـوق=ازريت,,,وانـت عليـا شـور

الديوان

لو كان وضعه معك مرمـوق=ماكان خصمك لقي له ثغـور
جانا مثل حامـل المشقـوق=يستاهل اللي عليـه يخـور
وعزولك اللي بهـا محقـوق=خلا طريقه معـك محظـور
خطط عليك الأسى مطبـوق=رماك فاللـي لهـم محفـور
خذها نصيحه معك برفـوق=لا تصير من ما جرى مكسور
دنيا وفيهـا نعيـش خفـوق=وبعده نعيش الهنا وسـرور