ديوان الشاعر سمو الشوق

يامرحبا بالمختفي عني ازمـــــــان = توك عرفت الجرح وشلون قاسي
بالأمس دمعي تشتكي منه الاوجـان = ومديت كفي ياعرب من يواســي
واقفيت عني بين جرح ٍ وهجــــران = ورديت لي من بعد حصلت ناسـي
محجوز قلبي وارتكز فيه إنســــان = مصدر خبر موثوق دون التباسـي
أنا احتفظ لك بالأخوه كإنســــــان = حيث الأخوه دوم طبعي وساسي
ساري قرار الحب لو قلت بهتـــــان = غلطان لو فكرت بتهز ساســــي
أنا هقيت السر من دون عنـــــــوان = قصة عشير وقلب مخلوق قاسي
مادام خلك صار للشر ميـــــــــدان = اقطع حبل يربطك باهل المآســي
واحذر سراب الحب مع كل خــوان = يقطف ثمار الشوق ويفر ناســــي
دور على ميلاف للحب صــــــــوان = تقضي حياة العمرفي جو ماسي

( ليـــل البــلد هتــــان )

ليل البلد هتـــــان والجــــو نـســـنــاس = صوب الشعر قلبي ترى الشوق جرّه
لا لاح بارق هاض بي كل هوجــــــاس = في ديـــرةٍٍ مــا بيــن حــرّه وحـــــــرّه
كـن البلد مهجــور من غـيــر حــــراس = نامت عيون الخلــق والعين مضطرّه
ارعى قوافي الشعر للشـعــر عـــســاس = عنــدي ريـــاض الشعــر عندي مقـرّه
أكتب من الأشعار ماكيــــف الـــــــراس = واســـــوق حـــرف القاف واختار دُرّه
أنظم قصايد شعر للحر نــومـــــــــــاس = و ارد نـظــم القـــاف واعـطـيه كـــــرَّه
راع الشعر ياصاح تاجر ومــفــــــلاس = يهــــدي عبــير الشــوق والربح ضرّه
حرفي طعني واحـتــرف طبــع جساس = لا عــــــاد بحـــر الشعـر ولا عــاد بـرّه
أثـر الشعــر ياصـــاح خايــن وبــــلاس = يكشـــــف خــفــايــا السـر يكفيـك شرّه
قلب مواجع في الحشى ساسها ســاس = تشـكـي عـذاب الـورد شـوكــه ومـــُرُّه
بحر الشعـر للقـلـب رادار حســـــــــاس = يـكـشـف مــن الآهـــــــات مقـــدار ذرّه
يلقط لهيب الشوق مع جر الانفـــــاس = لــو حــاول العـشـــاق يـخـفـون حـــَرّه
قدر الغلا مرفوع عندي على الــــراس = واخـــفـي أمـــاني فــي فــؤادي تحـرّه
طبع النقا عندي على الدرب نبـــراس = وكــم مــرةٍ ذقـنـا مــن الــوجـــد مـــُرّه
انظر صفــــاء الحب بالرجل ينــــداس = في ذا الـــزمــن هانـوه واصبح مَعـَرّه
أصبح غرايز جنس من بين الاجناس = ما هو مــودة شــــوق للــعـيـــن قُــــرَّه
من طبعنا ياقــلـب نوفي مــع النـــاس = وراع الـــوفــا يــلــقــى عــلـومٍ تـسـرّه
ما كل من يسبح على البحر غطـــاس = كــم مــن غـريــق مـــات والبحـر غـرّه
من يحسب الخطوات والسير بقيــاس = عــــاش العــمــر مـــسـرور للــــــه درّه
جنب عن الأنــذال واختــار ألمــــــاس = لا مــن حـــداك الــوقــت يـعـطيك بـــرّه
ترى الردي لو بان نابه والاضـــراس = احــــذر ســـراب القــاع واحـذر تـمــرّه

تحياتي
ســــــمو الشوق

[/QUOTE]
.