(وااااا دمعي اللي ثلاث وخمس) ماجد أبومديده ومهندس الحرف قايد صف جده عبدالعزيز العروي

هذا اللحن من ألحاني الأرشيفيه ( صح )
جرى هذا الحوار بين أخوكم
ماجد عبدالله أبومديده
والشاعر ( مهندس الحرف )
عبدالعزيز بنيه العروي
في يوم الثلاثاء الموفق1/5/1424
لعله يحوز على رضاكم

ماجد ابومديده=
سجِّل لنا في سِجل الأُنس = اللي في أمرُه تشوفونُه
لأن ما فالمصافا دّس = لايضيع نهجُه وقانونه
عبدالعزيز العروي=
أنا لهذا الأمر مِحتّس = حسب إتجاهُه ومضمونه
ومقصودنا من هذاك الدرس = ننهل من الود وفنونه
ماجد ابومديده=
سار الذي سار وإتكَرّس = لأجيال تقراه وتصونه
والأن مِنا بطيبة نفس = هاك المثل وإسمع لحونه
عبدالعزيز العروي=
راق المثل فيك وإستأنَس = لجلك من اللي يصونونه
والأن جِس المعاني جَس = على حسب ماتوروونه
ماجد ابومديده=
واااا دمعي اللي ثلاث وخمس = كُل الخلايق يخيلونه
أصلُه سبب ناعمات اللمس = بكفوفُهم مايكُفونه
عبدالعزيز العروي=
حلاوة الود همس بهمَس = ومشاغلاتُه مع شجونُه
مايجعل الناس فيه تحِس = ودمعُه يواريه في عيونه
ماجد ابومديده=
يرضيك دمع الغرام يدْس = وأضْل طوعُه ومرهونه
وانا الذي ذِقت جور الحبس = مسجون في غبة سجونه
عبدالعزيز العروي=
مهما قلوب الرجال يمَس = من صالي الود وغبونه
تجعل من الصبر متنَفس = حتى الهوى تمَيِّل غصونه

*** ويصحابنا سامحونا ***

ماجد بن عبدالله مفرج الجدعاني

( أبومديده )