اللي.... منه..... يدك..... مليانه.؟ يــابــخـــيــتـــان لاهنت

علي عيد البشري=
اللي منه يدك مليانه = وتصفله فالّزوم حساب
ياشينها تعود خسرانه = يمناك من لايسد الباب
بخيتان البشري=
وفاك يرجح بميزانه = ومثلك على الطيبه كساب
شوفي قرا الدرب عنوانه = واللي خفى فصّله فكتاب
علي عيد البشري=
الحاصل النفس حيرانه = والفكر عن مثلنا ماغاب
بقياس سيست بنيانه = ونته وانا بالعقول الباب
بخيتان البشري=
من لا بها ماقضى شانه = ومده بها يغني الطلّاب
لايعود بالنفس زعلانه = الظن في غير ذا ماخاب
علي عيد البشري=
ما الله على الطيبه عانه = اللي غوى حسبت الحساب
غر الهدف ماحسن اتقانه = يدوش عياره إذا ماصاب
بخيتان البشري=
ماينكر البحر حيتانه = والبر سباع عوت لذياب
ولايغير الوقت برهانه = ليله قمرها بجوك غاب
علي عيد البشري=
مايعجز البحر ربانه = وفالبر ثبا عالي المرقاب
النفس من ذاك قنعانه = اللي عليه الخفاف صعاب
بخيتان البشري=
كلٍ على ارضه وفأوطانه = واللي يودي عليهم جاب
وفي كل ميدان فرسانه = والحرملة مالها حطّاب

صح لسانك يابومحمد وبيض الله وجهك على مراديك الاكثر من رايعه
سعدت بها وبتجاوبك السريع وفيت وكفيت الله يعطيك العافيه
وإلا لقا قريب لاخلا ولاعدم ياسنايدي000 تحياتي لك ولجميع
من كان له مرررور في متصفحي