ديوان الشاعر طارق عبدالرحمن ( أبن وازن ) الجحدلي

علقتها فـي حسـاب الوقـت = ان تشرق الشمس ناتجهـا
شفت النتيجه بعد ماطحت = من عين وصبحت خارجها

عذب التلاقي يفيض زلال = يـغـرك الطـيـب مـــن حـلــه
ضاري على طبعه الميـال = منـزال ســاس القـمـر زلــه

يابكـره قولـي عـلام الـيـوم = يـحـقــر الامــــس ويـكـابــر
لايظـن يومـه عليـه يــدوم = ان غابت الشمس بيغادر

ياحايـط العـلـم بــه حـايـط = ملح الزمن واللبن مكبوب
في ساعه الوقت والحايط = تمشي عقاربك بالمقلـوب

كيف التفاهم مع مصلب = أتش الحراره معاك يفور
راس العقل بستمه صلب = صعب الفكر والمروُحه أدور

أبن وازن =
سلام في مسرح الاحلام = يلعب على القاف فبحوره
للى ملك ريشه الرسام = نرسم معه بالصفا صوره
مرسى المعنى =
سقت القلم كاتب الإلهام= للي لنا يطرح شعوره
ترحيب صادر لكم يا اكرام= حسب المواجيب مذكوره
أبن وازن =
عـســى الـبـقـا والمـصـافـا دام = يامشرف الحرف في حضوره
هــقــوا مــــع الــوقــت والايـــــام = عــام الـوفـا ناقـصـه شـهــوره
مرسى المعنى =
ان كان حسبه وفيها ارقام= ياما اخلف الوقت من دوره
والظن وارد عليه احكام= دوّن لنا وجهت سطوره
أبن وازن =
الشك يومه ماقول صيام = وشعبان بين لنا جوره
أفيدني في شهور العام = وهلال شوال وظهوره
مرسى المعنى =
اربع ذكرته لنا بتمام= ثمان باقي لنا طوره
تنجيمها يتعب الحكام= خافي لنا شعشت نوره
أبن وازن =
تسع خصوصي وثلاث عام = وأهل التكميل مخبوره
النور في وجهك البسام = والدرب أخضر ودستوره
مرسى المعنى =
ما اظن باقي لنا ترجام= يشرح لنا باقي عصوره
كل الذي يطلب اللوام= جاته دلالات محصوره
أبن وازن =
الخط فاضي مسوي زحام = ليم ويقلب قدوره
يغنينا ربي عن النمام = اللى نزل منزل قصوره

مرسى المعنى =
سلام في مبتدا الاقوال= ياسيد القيل واستاده
نبغى لنا فالمثل ترحال= يطرب لنا كل رواده
أبن وازن =
ترحيب صافي المعاني زلال = يرقى بعذبه مع القاده
نبض الصفا منبع الامثال = نرحل معه حيث ميراده
مرسى المعنى =
آنا علومي عراض طوال= عيا العدد يحصي عداده
يبغالنا كيل بالمكيال= ومكيالكم خابر شداده
أبن وازن =
زين لنا الوصف فالموال = وأدرى عن الناس نقاده
جايب معي فيديني شمال = با أشمل العلم كالعاده
مرسى المعنى =
حاضر معك والعلوم ثقال= تأويلها مر بزياده
قضيت ليلي وحالي حال= والآآه للقلب جلاَّده
أبن وازن =
بقدر الالم لثقال رجال = تجلد على الهم معتاده
لاباس من ثور الزلزال = وحاكم على القلب بجهاده
مرسى المعنى =
جانا الاسى واسطفاله جال= ما اقوى على احكام قواده
مجهول منهو قصد واحتال= صدر قرارات باسناده
أبن وازن =
للقلب مكتب وأستقبال = والامن قناعته فماده
من ميز النور والمنزال = مايضيع النجم مرصاده
مرسى المعنى =
صبت الهدف والرمي قتال= جبت الحقايق على هواده
وان كان ودك خلي البال= هات الاشارات طراده
أبن وازن =
عساك سالم من الانذال = للقاعده مركز قياده
طابت للياليك والاحوال = ومكثور للخير به جاده

يامستوي في خطوط الطول = نصف القطر في دوائر عرض
معنا ترقى لا طاح القول = عالي النجم ياحجار الارض

لا لاح بارق مزون الديم = ان طاح مزنه ماينفعنا
مزن المأسي ظلال الضيم = وأطي المنازل مايرفعنا