قصيده بالشيخ رباح بن طعيميس رحمه الله

قصيدة بـ الشيخ رباح بن طعيميس بن مريخان

شيخ شمل الجملا من بن سالم من حرب رحمه الله تعالى .

ياعلي ماتنزل دموعي رخامه=من خوف لاتفرح علي الهباليس
صبور .. معها نوع عز وقرامه=لوتنعمي عيني من الضيم وتخيس
هذي دموع فراق ماهي ملامه=تنزل لو إنك ياعلي داحر إبليس
تبكي فراق اللي من الناس هامه=ميزان حرب وفيه نكتال ونقيس
رباح كان لحرب مثل العلامه=هو ضلعها ياعلي بين التضاريس
هو الكرم هو السخا والشهامه=الضيف لو هو ورع يرخي له الكيس
كلمة هلا بالضيف تسبق سلامه=يضحك ولو يونس بنفسه حواسيس
ولا منها عجت تحيزم حزامه=يوم ان غيره طار مثل القراطيس
غيره يدس الراس مثل النعامه=لكن رباح يهد عرض القرانيس
ياحرب ماالومك وحزنك عمامه=نكستي الاعلام ياحرب تنكيس
رباح عن واحد وتسعين قامه=صيته تعدى حرب راع النواميس
من حد جده غرب لأقصى المنامه=ومن دولة الاشراف لديار بلقيس
لعل دار الخلد مثوى عظامه=والله يجبر كسركم يا الطعاميس

اخوكم / الرائد : متعب بن علي العوفي الحربي

¨°o.O ( الله يرحمه) O.o°¨

صح لسانك مليون على القصيده
ومرحبا فيك بين ربعك
بيض الله وجهك

رحمه الله تعالى
صح الله لسانك
ولاهنت
وسلم فكرك وبنانك
دمت برعاية الله وحفظة

رحمه الله تعالى قصيدة رائعه بروعة حضورك

صح لسانك يابو علي على هالمرثية

و انت وافي يابو علي و ابو عبدالله يستحق

الوفاء....

و رحم الله الشيخ/ رباح و جعل الله الفردوس الاعلى منزاله

الشاعر
متعب بن علي العوفي الحربي
صح لسانك وعتلا شانك
والله يرحم الشيخ رباح ويسكنه فسيج جناته

رحمه الله تعالى
صح الله لسانك
ولاهنت

صح لسانك اخوي ابوغلا
ونسأل الله يرحم الشيخ رباح بواسع رحمتة
ويغفر له ويسكنه فسيح جناته
الله يعطيك العافيه
/
\

اشكر الجميع ع المرور العطر

لاهنت وصح السانك

تقبل التقدير والاحترام

وفقك الله