سلام سالم من الزلات

راعي الجزلات=
ســلام سـالــم مـــن الـــزلات = للـمـلـتـقـى اعــضـــاه وزواره
من شاعرن راعي الجزلات = يــجــيــد حـــرفــــه فـــــــاادواره
البيرق المنصور=
ترحيب مايعرف الغلطات = بالطيب حامي على ناره
ومن صار دوبه مع الطالات = لايمكن يقل مقداره
راعي الجزلات=
عسى البقى واسعد الحزات = ودرب الوفا عالي انواره
واللي يدور على الوسمات = اخلي الوسم تذكاره
البيرق المنصور=
مثلك من الناس اليا جات = مانحتقر يوم مسعاره
فيه الشجاعات مآآآريات = ولن غاب مانقبل اعذاره
راعي الجزلات=
الرجل لا ثمن الجابات = تلقاه من ساس احراره
ولامن خابت به الهقوات = الله يعوض على داره
البيرق المنصور=
في كل ديره رجال ثقات = للي معازيب والمااره
والمسعد اللي عن السيات = لها مايلد بانظاره
راعي الجزلات=
مايختلف للعرب عادات = للضيف ترحيب بوقاره
واللي فنهجه على النقصات = مايلتقي غير اكداره

صحت السنتكم وبيض الله وجيهكم على هذا الا بداع الرائع