مضحي جمراااااان

حزام ناسف=
ياسلام الله سلام الطيب ينصى كل طيٌب=والسوالف طيبه والطيب للطيب نمـده
مضحي الجمران يزعجنا وبعدينه يغيُب=ماعرفنا وش وراه ولا خفانا ويش عنده
مضحي بن جمران=
مرحبا ياشاعرٍ له نظـرةٍ ماهـي قريـب=يعشق الجزله ولايعطي عن الجزلات صده
مضحي الجمران لامنك دعيتـه ماتهيـب=صح عذروبه يوقف كل شاعر عند حـده
حزام ناسف=
البقى بالشاعر اللي فيه مانقـدر نعيـب=يوم عد الحق انا لابد هرج الحق أعـده
العب العب بعد صياف السحيمي ياحبيب=القسا مابعده الا اللين مـده بعـد مـده
مضحي بن جمران=
ماتهون وعارفين الصعب غير من الصعيٌب=مر حزام ليحتزم للعلم جعـل حـزام قـده
ياولد قدمك شنب يفتل شنب ماهو شنيٌـب=وانتبه واخذ الحذر خصمك خصيمه مايضده
حزام ناسق=
مايضلل عينك الرمش الخفيف اللي مشيب=ندري ان الثلب مايطاق لو مشتـد زنـده
لاتماري في هجوسك كان هبت لك هبيب=والحماس اللي يوردك القصا ياذيب هـده
مضحي بن جمران=
كان جات الصامله بان الرهيب من الرهيٌب=بس بعض الناس ماجتله على كيفه ووده
بعدها يبي يبين اللي يخت مع الشعيٌب=وش يسوي لنفضح قدم العرب وانباح سده
حزام ناسف=
كان جات الصامله من طيبنا ليتك تطيٌب=اوتريٌح فوقك لحاف وتحت راسك مخده
كل ماغنيت ترعد فوقكم ويهل صيٌـب=والعيون مكحله والوسم من خده لخـده
مضحي بن جمران=
شارحلك فالرساله داخل الزرف المتيـب=جعل تفداك الوجيه اللي عن الجزله مصده
علمٍ ايسيب وعلـمٍ يالسنافـي مايسيـب=يشبه ادروبٍ تلوا مع كرا وتـروح جـده
حزام ناسف=
لاتسويلك سوات معمر احكام إفكتيٌـب=ثم تروح الروحه اللي بعدها مامن مرده
أحد ماخيب هقاوي واحد للهقوى مخيٌب=يالله انك تستر الاجواد في درب المكده
مضحي بن جمران=
العقيد ليا حضر ضاعت علومـك يالرقيٌـب=بالرخا يكفي حضورك وازهمه في وقت شده
الهقاوي ماتخيـب الا بمقطـوع النصيٌـب=لاشبحنا بالنظر صـوب الضعيـف مانلـده