ديوان الشاعره النرجسية

السلام عليكم ورحمة الله وبركاته
قصيده يافرحة أمك ..
أحدى منشورات مجلة المختلف ..
اتمنى ان تنال إعجابكم ..

مثلـك بـلا مبـدأ بفعلـه وقولـه
لا وازع ٍ دينـي ولا عِـرف عِقـال
رجال لكن منـت حـول الرجولـه
حرام مثلك يلبـس شمـاغ وعقـال
بس البلا إنك من سلايـل حمولـه
مثلتها بالشين مـن قـول وافعـال
حلم العصافيـر الصغيـره وزولـه
زول البغال اللي لهـا قيـد وحبـال
مثلـك عرفنـا مبتغـاه وميـولـه
. شكواي لله في ضعيفيـن الآمـال
قهري على مثلك صعيب ٍ وصولـه
قومي هل الطولات أجاويد وابطـال
لي في بحور الشعر صوله وجولـه
مثلي غدت بالشعر مضرب للأمثـال
أكتب قصيد ٍ عذب واعرف اصولـه
رطباً طريـاً يانعـاً يشـرح البـال
مدهش ومنعش ينعش اللي يقولـه
سهلا ً بسيطا ً صافيـا ً كنـه إزلال
وأنته قصيدك ما نهض من خمولـه
مير الصحافه دورهـا حيـل فعّـال
ماني من اللـي تنهـزم بالسهولـه
اقوى من الصخرات وأقسى من جبال
وإذا على بنـت إنتصـارك بطولـه
يا فرحة أمك جابـت اليـوم رجّـال