ديوان الشاعر محمد بن خيرالله الردادي

السلام عليكم ورحمة الله وبركاته
مشاركه يالغالين
امل ان تلامس اذواقكم واعجابكم

ماني من اللي ينقل الهرج للناس=وماني من اللى يعرفون الوشاية
أنا بدوى بندق وخنجر معا فاس=وشبريتي دايم معي هي هواية
مدججاً بسلاح عاج(ن) مع نحاس=ومرصع(ن) فيه الذهب كا المراية
رحال في دنياي ما حب مجلاس=فيه الحكي بالناس مطلب وغاية
أنا الذي لاسار فالناس وسواس=ترجع لي العربان تطلب دواية
أنا بدوي معروف بالاصل والساس=تسلسلي من حاضري للبداية
أنا بدوى حايز على الدرع والكاس=درع المروة والشجاعة غطاية
أنا بدوى والكاس في يدي الماس=كاس الكرم والجود ماهي رواية
أنا بدوى أكرم ضيوفي على راس=ما قدم السابق لهم من عشاية
أنا بدوى لا هب فا لارض نسناس=كلاً يحاول فالذراء من ذراية
أنا بدوى معروف مع كل الاجناس=الارض فرشي وأتغطى سماية
أنا بدوى ضاري على العزلاباس=والعز من طبعي وغاية مناية
أنا بدوى اصبر ولا أعلن أفلاس=اعمل بمجهودي على مستواية
أنا بدوى ما اعرف ألياس والياس=والياس عندي مثل جرم الجناية
أنا بدوى راعي هجن راعي أفراس=فارس بطل مغوار حتى النهاية
أنا بدوى واضح ولا ني بدساس=مسلم وشرع الله لنا دوم راية

مع تحيات
محمد بن خيرالله الردادي