بيني وبين عبدالرحمن دحيم البشري

مشعل المعبدي

عداد وبل الحيا مارش=وعداد فالدار مامرا
سلام يرفض دروب الغش=في بحر ولا على برا

عبدالرحمن البشري

عداد مافالسطر ينقش=وعداد مالصوت ينجرا
ترحيب صامل ولا يهتش=من بال صافي ومسترا

مشعل المعبدي

دام البقا والرجل منخش=يوم اللقا ثابي الجرا
ومن بعدها ودنا ننعش=بالقيل والجو مقترا

عبدالرحمن البشري

رسم الرياجيل مايندش=وحنا نزيده ليا مرا
أبدع لنا القاف لاتختش=يلي على الطايله مضرا

مشعل المعبدي

لي سيد غصب عليه دش=وسقاني المر وامرا
ودمعي فضحني بدا يرتش=والحال معاد بيسرا

عبدالرحمن البشري

وش قرب أخطاك يم الطرش=وخلاك تشكي من الحرا
سايرأمورك ولا ترمش=وهاجمه قدام يفترا

مشعل المعبدي

صدفه ومن بعدها مبلش=وجر الفكربعدها جرا
ياكيف عن ودهم ننحش=الي شقاهم علي ذرا

عبدالرحمن البشري

أبغاك تعزم تهد العش=الي دخل فيه ومذرا
ونكان عيا عطيه الفرش=مدام خاطرك من ظرا

صحة الالسن فالبدع والرد
وشكرا على النقل يامشعل
وكل عام وانته بخير

اخواني الشعراء مشعل و عبدالرحمن

ابدعتم ...

صحت السنتكم وبيض الله وجيهكم على المحاوره الاكثر من راااائعه

يعطيكم العافية

لاعدمناكم

¨°o.O ( ×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم

المعبدي مشعل
البشري عبدالرحمن
صحت السنتكم
ابدعتم بدع ورد
عساكم على القوه

صحة الالسن فالبدع والرد
وشكرا على النقل يامشعل
وكل عام وانته بخير

صحت السنتكم وبيض الله وجيهكم على هذا الابداع الاروع من رائع الله يعطيكم العافيه

صحت ابداااااااااانكم جميع