ديوان الشاعر(علي بن عيد البشري)

علي عيد البشري=
اللـي يحـبّـك المعـانـي حـبـك=يـرقــا بـهــا جــــزل مـنـطـوّقـه
كل ما طرق فالمثل يعجبك=ابـــداع حـرفــه0 ومـطـروّقــه
وليف الطير=
سبك المعاني وجالك سبك=شـــراي بــايــع ومــــن ســوقــه
ولــيــا الـمـثــل مـنـنــا انـســبــك=نبغـى انتـذوق مـن أعـذوقـه
علي عيد البشري=
حرفي مذاقه حلو له شبك=ارويـــه ماتـيـبـس اعــروقــه
تـاجـر بضاعـتـك ماتنشـبـك=فالسـوق مـاطـب مسـروقـه
وليف الطير=
ياحرف راوي حلو معذبك=صاحبك يمـك بنـى طوقـه
الحين جالس على مكتبك=بعـد العـنـا شــاف معشـوقـه
علي عيد البشري=
لابان زيـن المثـل يطربـك=حرف الـذي مرتفـع ذوقـه
عميل في مكتبي بكسبك=يـامـن مـصـادرك موثـوقـه
وليف الطير=
حرفي يشابك حروفك شبك=يـــامــــن مـعــانــيــك مــرمـــوقـــه
والحرف راقي علـى مطلبـك=فــــن الـمـثــل كــمّـــل احـقــوقــه
علي عيد البشري=
عقلي يقلّي ابا احاسبك=ويقلّي القلب ملحوقه
ازريت مابينهم صاحبك = في ليل ماباين شروق
وليف الطير=
فحسابك اليوم ماعاتبك =بعد اتضاحات مسبوقه
اصيل باقي على مذهبك =وتبقى على العرف من فوقه
علي عيدالبشري=
ميقاف ابوعيد مايخيبك = مايجهل العرف وطروقه
دايم على النايفه منصبك = وسهوم الاخطار مدروقه