ديوان الشاعر / تركــي الجـــابري ( أبووافي )

قفلت باب الهوى بنساك = ببعد عن الود وازعاجه
واشوف طيفك على الشباك = حزين لايمكن احراجه

بين الحنايا نزيفه طال = متعلق اسنين في جاله
مل الصبر فاقد الآمال = ومع دورة الوقت يرثاله

السلام عليكم ورحمة الله وبركاته

فيـك الاسى واحتراق الجوف = يـاقلب مـايشتكي حاله
وبالصبر تمنع حدود الشوف = من خوف تكشف على جاله

ياقلب مالك ومال الغير = كم قلت ياقلب لاتشقى
واليوم اشوفك سوات الطير= حزين في كوكب الفرقى

كنت أقطف الورد من شانك = وأخاف لاتبدي الخافي
وأضيع في ساحة اركانك = تايه بلا درب ينشافي

0

0

0

0

0

0

0

0

القلب من غيبتك ملتاع = والهم زاده ومشروبه

بين الحنايا وقف مرتاع = تايه والأقدار مكتوبه

قضيت ليل العنى تنكيد = من ضيقة الصدر وأحزانه
مدري لها ينكتب تجديد = في وقت مجهول عنوانه

مسلسل بديته معك غلطان = ظنيت فيك الوفا بدري
سيرة وفا ضمها الحرمان = عنوانها جرح في صدري

كان الأمل دوم قدامي = واليوم غادر وطب الياس
كله سبب جرحي الدامي = بين الحنايا سوات الماس

رديتها فالعيون أسرى = من خوف لاتنتثر وتشوف
أن الهوى جرح مايبرى = وتصير في وضعها مكشوف