ديوان الشاعر / تركــي الجـــابري ( أبووافي )

يامجازي الطيب عكس الطيب = بين العرب بانت أعلومك
هـرج القفى مـن دروب العيب = يـاجاهل العرف ما ألومك

فيك البراءه ورب الدين = تاخذ من الراس تفكيره
أذهلتني والشقى بالعين = والقلب لك شوف تقريره

ذليت دمع العزيز الحر = يوم انهمل ساعة افراقك
وأهديت خلك بقايا المر = ياطيف مايكمل أشراقك

حــلم الطفــوله رسمتــه زين = وقلت الزمن للبشر صافي
وعكس الحقايق تشوف العين = هــم وكـــأبه على أكتـافي

القـلب لاتــــاخـــذه رده = ديـكورفي داخــله حــرمان
عازف عن الحب ماوده = بين المأسي جريح أنسان

,
,
,
,

لهيب نار الفراق المر = أبشع من المر مشروبه
بالجهرتضحك وتبكي سر = والعين من جد مغصوبه

قفلت باب الهوى بنساك = ببعد عن الود وازعاجه
واشوف طيفك على الشباك = حزين لايمكن احراجه

السلام عليكم ورحمة الله وبركاته

فيـك الاسى واحتراق الجوف = يـاقلب مـايشتكي حاله
وبالصبر تمنع حدود الشوف = من خوف تكشف على جاله

ياقلب مالك ومال الغير = كم قلت ياقلب لاتشقى
واليوم اشوفك سوات الطير= حزين في كوكب الفرقى

كنت أقطف الورد من شانك = وأخاف لاتبدي الخافي
وأضيع في ساحة اركانك = تايه بلا درب ينشافي