ديوان الشاعر / تركــي الجـــابري ( أبووافي )

على ورق ضاعت احلامي = رسمتـها في ورق كراس
وتشتـــــت النــــور قــــدامي= وشلون طبت خيوط الياس

خليــتها في جسد بـالي = تاكل وتشرب بلا مصلوح
وشلون ترضيك يالغالي = رميـتها في صميم الروح

بيــن المـآسي خيــوط اليـاس = تــعلقت والبـــلا مبـطي
وشدالاحساس ضيم احساس = هذا سجله معي مخطي

زمان ولا زمان الطيش = وأقفت ليــاليه عـن عيني
واليـوم هم الاوادم ويش = المـال ومــصارع الـديني

جيتك وكان اللقا بالهمس = خايف من عيون حسادك
وتخاف مدري تهاب اللمس = جننــتني والغــلا زادك

السلام عليكم ورحمة الله وبركاته
نمرحرب\\\
ياتركي الطاغي المجتاح ***** يسرق من عيوني ايامي
حتى ولو راح كيف ارتاح ***** والعمرمسروق قدامي
أبووافي\\\
لاتعانق الياس مهما راح ***** مذكور بالدين الاسلامي
واصبروتلقى الصبرمفتاح ***** زلال ممدود للضـــامي

ثقلت نفوس العرب ياحيف = وصار الفرح عندهم عادي
أيام راحت وجتنا كيف = اهأت في جونا الهادي

مضمون الايام دونته = في صـــفحة الـعمر وكـتابه
ومن التجارب تعلمته = واليوم عنـدي صفى حسابه

أصـــــــحى تمـــــرالسنيــن أحــــــــذر = ولافيــــه نـــاتـج مـن الأعمال
وتــجيـــــك لحـــــــظه بــــلامنــــــــــذر = ومن بعدها شوف حال الحال

متــوهج القـلب كله شوق = داعيك في حفلة أشواقه
ولايردبعض الأمل مخلوق = ألا أنت يــاسكن أعماقه